Ebbugumu lyeyongedde mu kulonda kwa NRM e Kololo

EBUGGUMU lyeyongedde ku kisaawe e Kololo oluvannyuma lwa banna- kibiina kya  NRM ku lukiiko lwa NEC ne Palamenti okutandiika okubasoma amaanya okwesoga ekibangirizi we bagenda okusimba ennyiriri okulonda abakulembeze baabwe.

Olwaleero  abakiise okuva mu bibinja mwenda be bagenda okulondebwa  bayite  'Special interest groups'  (SIGs)  okuli abaliiko  obulemu ,abavubuka, abakadde , abakyala , abasuubuzi ( entrepreneurs ) , abazirwanaako n’abakikkirira abakozi ku NEC ne Palamenti 

Wabula ebuggumu lisinze kubeera mu kibinja kya bagenda okukikkirira abasuubuzi naddala ekifo kya ssentebe waabwe [Chairman Entrepreneur League”  okuli abagagga b’omu Kampala abamaanyi abavuganya ku kifo kino okuli Hajji Hassan Basajjabalaba, King Ceasor Murenga ne  Philp Kakuru omugagga munnayuganda abeera e South Africa.

 Ekifo ekirala okuli embiranyi kye kya ssentebe wa bazirwanaako e kibaddeko Rt. Maj Gen. Jimmy Muhwezi avuganya ennyo ne Rt. Lt,  M.  Mushabe  nga nabo bataddewo obunkenke kw’ani atwala ekifo kino Muhwezi ky’abaddemu okumala ebbanga.