Simon Byabakama alangiridde Yoweri Kaguta Museveni okuvuganya ku bwa pulezidenti mu 2026

Akulira akakiiko ak'ebyokulonda , Simon Byabakama alangiridde Yoweri Kaguta Museveni  ng'eyeesimbyewo ku bwa Pulezidenti oluvannyuma lw'okutuukiriza ebisaanyizo byonna ebyamusabibwa.

Pulezidenti Museveni ng'atuuse ku kakiiko k'ebyokulonda

Asoose kuwaayo ebbaluwa z'obuyigirize, emikono egimusemba, era ne bakakasa nti abamusembye bonna balonzi. Bali mu kumukwasa kabangali okuli abasirikale abagenda okumukuuma. 

Museveni ng'atuuse ku kitebe ky'akakiiko k'ebyokulonda

Museveni atuuse ku ssaawa 3:50 ng'ali ne Maama Janet Museveni.
Ayaniriziddwa Sipiika Annet Among, omumyuka wa Sipiika Thomas Tayebwa,Rebecca Kadaga, Jim Muhwezi ne Godfrey Kiwanda. Abalala abaabadde balina okumwaniriza abaggyidde mu bbaasi ye yabaanirizza okwabadde Katikkiro Robinah Nabbanja, Alhaji Moses Kigongo n'abakungu ba NRM abalala