Omwana w'omusawo gwe babadde bawambye nga basaba obukadde 100 poliisi emuzudde!

Poliisi mu Ssezzibwa, ebadde ku muyiggo gw'omwana,  Kaira Nankya Mbuga 6, eyawambiddwa ab'emmundu okuva mu Naminya cell, Kiira ward e Njeru mu Buikwe ku wiikendi kyokka  emuzudde nga baamusudde e Naminya.

Okusinziira ku byaliwo nga bamuwamba,  abazigu ab'emmundu baali beekapise obukookoolo ne bayingirira amaka ga Dr. Moses Mbuga Ndiwalana 37 ne banyaga ssente ne bawamba n'omwana ono oluvannyuma lw'okubassa ku mudumu gw'emmundu.

Baabadde basaba obukadde 100 okumubaddiza kyokka poliisi emufunye n'etegeeza nti omwana bamuddiza bazadde be, okusinziira ku mwogezi wa poliisi mu Ssezibwa, Hellen Butoto.