Abayizi bakubiriziddwa okwettanira amasomo ga Tekinologiya basobole okuvuganya obulungi mu kisaawe ky'emirimu

ABAZADDE n’abayizi bawabuddwa okwettanira ennyo amasomo ga tekinologiya,  nti kubanga kati ensi gyeraga era kwetambulira.
Byogeddwa amyuka cansala wa ISBAT Univasite pulof. Mathew Kattampackal, abadde omugenyi omukulu ku mpaka za tekinologiya ez’amasomero ga siniya eza Inter- schools Coding Competition, ez’okukozesa ennimi za computer ez’enjawulo okugonjoola ekizibu (coding) eziyindidde mu kisaawe e Kololo.

Pulof Mathew Kattampackal amyuka cansala wa ISBAT Univasite

Pulof. Kattampackal ategeezezza nti, okusnziira ku nsi nga bwetambula,  buli muntu yetaaga obukugu bwa tekinologiya,  nga ye nsonga lwaki ISBAT univasite eweereddwa omukisa okutegeka empaka zino kubanga erina obumanyirivu bungi mu tekinologiya.
“Twagala abayizi bazuule ebitone byabwe bamanye kyebaosobola okukola, okubeera n’obukugu bwa tekinologiya kiyamba  omuntu okuggula obwongo naakola bingi, n’abasomye nebasobola okutandikawo emirimu okusinga okuginoonya. Twagala nga ISBAT univasite okuyambako abayizi okubawa obukugu mu tekinologiya era naffe tugatte ettoffaali ku nkulaakulana y’eggwanga Uganda. Pulof Kattampackal  bwagambye.

Aba ISBAT nga batongoza empaka za ISBAT Interschools Coding and Science Quiz competetition ezomwaka ogujja

Empaka zeetabiddwaamu amasomero 58 okwetoloola eggwanga okubadde; Mengo SS, King’s College Budo, Naalya SS, Kinaawa High, Emma High School, Bishop SS Mukono, Bilal Islamic, Airforce SS, Standard High School Zana, Pine International, Seeta Highschool, Iganga girls, Trinity College Nabbingo, our Lady of Africa, Mt St Henrys Mukono, St Joseph Naggalama, Forest hill Mukono, Bilal Internation, n’amalala.
Zigenze okuggwa nga a Standard High School Zana linywedde mu malala akendo nerisitukira mu kikopo ky’omwaka guno n’obubonero 470, liddiriddwa King’s College Budo n’obubonero 380,  Pine International 360, Mt. St Henrys Mukono 340, Mengo SS neemalira mu kyakutaano n’obubonero 320.

Aba Standard High era be bawanguzi b’omwaka oguwedde, ekikopo kibakwasiddwa Pulof. Kattampackal n’abakulisa okutuuka ku buwanguzi  naabakwasa ekikopo nebasala ne keeki, abaddiridde okutuuka ku w’okutaano nabo nebaweebwa ebirabo omubadde emidaali.
Ku mukolo guno era batongozza empaka zino ez’omwaka ogujja zebatuumye The ISBAT Interschools  Coding and Science Quiz Competition 2026.  ISBAT univasite, ne basuubiza okuziteekamu ebinnonnogo bya tekinologiya abayizi byebatasaanye kusubwa  nga bali  wansi mu ministry ya ICT