Klezia ekuzizza olunaku lw'abaana abalangibwa obwemage

Klezia Katolika ekuzizza olunaku lw’abaana abaalangwa obusa. Olunaku luno lubeerawo oluvannyuma lwa Kulisimansi, era nga lwateekebwawo okujjukira abaana 50 abattibwa Ssekabaka Herod ow’e Judea, ng’alowoza nti mubo anattiramu omwana Yezu eyali y’akazaalibwa, gweyali alowooza nti yali ajja kumutwalako obwakabaka bwe. Abaana bano Klezia ebatwala okuba abajulizi, kuba battibwa kulwa Yezu.

Abaana nga basala cake ne Ssaabasumba

Mu Lutikko e Lubaga emiklolo gy’akulembeddwamu Ssabasumba Paulo Ssemogerere, eyalaze obwennyamivu olw’abazadde abamu abalagajjalira abaana baawe, nebatabagunjula, era nebatabawa mubulamu bwabwe obw’omwoyo n’obw’omubiri,  nebakula ngababonaabona, ate emirundi mingi nebafuukira eggwanga ekizibu ngabakuze. Y’anenyezza n’abo abatulugunya n’okutta abaana abatalina musango, beyagambye nti bakasobeza n’okusinga Ssekabaka Herod.

Ssaabasumba ng'asala Cake n'abaana

 “Herod y’atta abaana 50, naye ate ffe betutta kumulembe guno bali eyo mubukadde nabukadde. Abaana battibwa mungeri n’embeera ez’enkawulo: omuli okujjamu embuto, obubenje kunguudo, n’obutabawa bujjanjabi ngabalwadde. Tusabira abazadde baagale, bagunjule, era balabirire bulungi abaana baabwe.Tubasabire bafune ssente, batwale abaana bano mumasomeo amalungi, era babawe byonna byebeetaaga. Tusabira ne gavumenti ey’ongere okulabirira obulungi abaana, n’okubakuuma,” Ssemogerere bweyategeezezza.

Ssaabasumba ng'ali n'abaana

Omukolo gwetabiddwako abaana abasukka mu 5,000 era nga bonna Ssabasumba y’abagabudde eky’emisana.