Ebintu bya bukadde bisaanyeewo mu muliro ogukutte amayumba e Wakiso ne Mukono.

EBINTU ebibalirirwa mu bukadde bw'ensimbi, bitokomokedde mu muliro ogukutte amayumba e Wakiso ne Mukono.

Mu muliro gwonna, tewali alumiziddwa naye ng'ebintu biweddewo n'amayumba ne goonooneka.

Gubadde Kireka - Bbira mu muluka gwa Nakabugo e Wakiso, bwe gukutte ennyumba ya Mercy Natukunda ye ne bbaawe bwe baabadde bagenze okusaba.

Kigambibwa nti waliwo omukazi ,  abantu gwe baalengedde ng'omuliro gwa kakwata era nga poliisi emuggalidde ng'okunoonyereza kukolebwa.

E Kitega Mukono, ennyumba ya Ritah Namutebi, yakutte omuliro nga tebaliiwo era nga basanze muyonga ng'ebyomunnyumba , bisaanyewo.

Amyuka omwogezi wa poliisi mu Kampala, Luke Owoyesigyire, agambye nti , Ritah ,aludde ng'afuna okutiisibwatiibwa okuva eri omusajja ng'asuubira okuba nga yeyagikumyeko omuliro.