Gavumenti bwemaze okusasula kkampuni ezikola enguudo n'ebassaako obukwakkulizo

GAVUMENTI olumaze  okusasula kkampuni ezikola engudo  ez'enjawulo mu ggwanga  n'eziteekako obukwakkulizo bw'okwongera mu budde bwebakoleramu okusobola okutaakiriza  ku budde obwayononebwa nga basizza wansi ebikola.

Kkampuni ezikola  zibadde zitutte ekiseera ekikunuukirizza mu mwaka  nga zitadde wansi  ebikola  nga zibanja gavumenti wabula gavumenti ng'eyita mu palamenti  yafuna ssente ezaasasudde bonna ababanja.

Gen. Katumba Wamala minisita w'ebyenguudo n'entambula mu kulambula omulimu ogukolebwa ku luguudo okuva e Matugga -Semuto -Kapeeka ne Nakaseke okuli kkiro mita 41 ogukolebwa  kkampuni ya Abubaker Technical Services ku Mande  yagambye balina okwongera ku budde mwebakolera okusobozesa omulimu guno okuggwa mu budde.

Gen. Katumba Wamala ng'alambula enguudo ezigenda okukolebwa

"Kituufu gavumenti ebadde  erudde okusasula ba kontulakita ate nga  nabo ababagabirira ebyeyambisibwa mu kukola enguudo nabo nga babanja," Gen.Katumba bweyagambye

 Yagambye nti  kati  nga bwemaze okusasulwa omulimu gulina okutambulira ku sipiidi eyawaggulu.

Oluguudo luno mu kuluyiwa kkolaasi omulundi ogwasooka lwalimu okulugezesaako tekinologiya ow'enjawulo mu kuzimba enguudo omwali n’owa ppeeva.

Gen. Katumba yasanyukidde omulimu ogwakakolebwa ku luguudo luno nga guli ku bitundu 60 ku 100 wadde nga wabaddewo okulwawo okubasasula .

Ye Richard Kizito Meeya wa Semuto Town Council yagambye  okukola oluguudo luno kwongedde okusitula embeera y'ekitundu nga kati abantu bazimba