Akabenje katuze 3 e Mbale mmotoka bw'eremeredde ddereeva waayo

Ababiri ku bafudde, babadde batambulira ku pikipiki ate ow’okusatu abadde ku bigere, mmotoka bw’eremeredde ddereeva waayo n’ebatomera ne bafiirawo.

Akabenje Kabadde Nakaloke mu maaso g'essomero lya Ideal girls High School ku luguudo Oluva e Mbale okudda e Soroti mu kibuga Mbale.

Kigambibwa nti mmotoka ekika kya Mark X nnamba UBR 123 R ng'evugibwa ddereeva atannamanyika bimukwatako, ebadde ku misinde mingi n'etomera pikipiki ebadde evugibwa Juma Hoyongo ne bafiirawo n'omusaabaze Nasuru Hamba gw'abadde aweese.

Oluvannyuma era etomedde omukazi omulala Zakia ow'e Nakaloke abadde ku bigere, naye n'emuttirawo nti oluvannyuma ddereeva n'adduka.

Omwogezi wa poliisi e Mbale, Rogers Taitika, agambye nti bamuyigga era nga kisuubirwa okuba ng'akabenje kavudde ku ndiima