Amagye gatenderezza Maj. Gen. Ssande

ABADDE aduumira enkambi y'amagye e Kasijjagirwa Maj. Gen. Deus Ssande aziikiddwa wakati mu kumutendereza olw'emirimu emirungi gy'akoledde eggye lya UPDF.
Maj. Gen. Ssande yaziikiddwa ku kyalo Kacuro mu ggombolola y'e Kyanamira e Kabale wakati mu bitiibwa by'amagye omwabadde n'okumukubira emizinga 13.
Minisita omubeezi w’ebyobusuubuzi, Gen. Wilson Mbadi ye yakiikiridde Gavumenti, ate akulira ebyobufuzi mu UPDF Maj. Gen. Henry Masiko ye yakiikiridde omuduumizi wa UPDF, Gen. Muhoozi Kainerugaba.
Abakungubazi bonna baatenderezza Ssande olw’okubeera omujaasi omumalirivu era omukungu alese omukululo ogw’amaanyi.