Poliisi eri mu kuyigga mutabani agambibwa okukakkana ku kitaawe n'amutta olw'enkayana z'ettaka n'ennimiro z'ebikajjo.

Poliisi eri mu kuyigga mutabani agambibwa okukakkana ku kitaawe n'amutta olw'enkayana z'ettaka n'ennimiro z'ebikajjo. 

Ettemu, libadde ku kyalo Buyunze B mu muluka Nakabugu mu Ggombolola y'e Bulongo mu disitulikiti y'e Luuka, abatemu bwe basse musajjamukulu George Isabirye 57 abadde amanyiddwa nga Mukaga. 

Ono, bamuttidde mu kisenge ky'ennyumba ye mu kiro ekikeesezza leero ng'asangiddwako ebiwundu ebyamaanyi ku mutwe ng'atemeddwa ebiso. 

Abatuuze, olunwe balusonga mu mutabani we Paul Isabirye olw'enkayana z'ettaka n'ennimiro z'ebikajjo bye baludde nga bayombera, nga mu kiseera kino, takubikako kimunywe era poliisi emuyigga. 

Omwogezi
 wa poliisi mu Busoga North, Samson Lubega, asabye Oyo yenna abeera alabye ku mutabani ono, okutemya ku poliisi ayambeko mu kunoonyereza.