Ssaabasajja Kabaka asiimye okusimbula abaddusi abaneetaba mu misinde gy'amazalibwa ge ku ssande eno

SSABASAJJA Kabaka Ronald Muwenda Mutebi II asiimye okusimbula abaddusi abaneetaba mu misinde gy’amazaalibwaage ag’emyaka 71 egy’ekitiibwa wgy'okubaawo ku ssande eno  nga April 12,2026 mu Lubiri e Mmengo.

Katikkiro wa Buganda Charles Peter Mayiga alangiridde amawulire gano bwabadde akwasa amakampuni n’ebitongole ebitali bimu ebiguze emijoozi gy’okudduka emisinde gy’amazaalibwa ga Kabaka egya 2026 ng’omukolo gubadde Bulange-Mmengo mu Kampala.

Katikkiro ng'ali ne Fr John Kibuuka Bbosa okuva mu Eklesia y'Abasodoki e Namungoona

Abakwasiddwa emijoozi ku baddeko Viika w’Eklesia y’Abasodokisi Rev.Fr. John Kibuuka Bossa ng’ono akulembeddemu banne okuva ku kitebe e Namungoona ne bagula emijoozi gya 1,700,000/-, Omuwabuzi ow’enjawulo ku nsonga za Buganda Ying. Joseph Saava Mukasa, Uganda Baati, URA, Uganda Railways Cooperation,UCC,Uganda Red Cross Society,St Francis School of Health Sciences Namataba, NDA, Kings College Buddo,BLB,Ice Water, UEDCL.

Katikkiro Mayiga asinzidde wano n’akunga Obuganda okujja mu bungi mu Lubiri okwetaba mu misinde gino nga Kabaka abasimbula ate babeere kitundu ku kusasanya amawulire agakwata ku mukenenya.

Abamaka g'obwa Pulezidenti nga bakyaddeko e Mmengo okugula emijoozi

Mayiga Bannayuganda  naddala abasajja obutakoma bukomi kwetaba misinde gino wabula babeere basaale mu kulaba ng’obulwadde bwa mukenenya bumalibwaawo omwaka 20230 wegunatuukira.

Omubaka ow’enjawulo owa Pulezidenti wa Uganda ku nsonga za Buganda Ying. Joseph Saava Mukasa o atuusizza obukadde 20 mwaguze emijoozi n’ategeeza nti gavumenti ewagira nnyo kaweefube Kabaka gwaliko ow’okumalawo mukenenya.

Aba Ice water nabo baguze emijoozi gya 1,000,000/-

Fred Kalungi Kabuye okuva mu kitongole ki National Drug Authority abuulidde Bannamawulire nti kisobokera ddala Mu mwaka 2030 okuba nga mukenenya alinga lufumo, abantu bwebanabeera bagendedde ku kulambikibwa ab’ebyobulamu byebabawa okugoberera mu kulwanyisa obulwadde buno.

Omumyuka asooka owa Katikkiro era nga ye Ssentebe w’Olukiiko olutegeka emisinde gino, Polof. Twaha Kaawaase yeebazizza bonna abaguze emijoozi era n’abasaba okukwata obudde ku lwa ssande zigende okuwera essaawa 12 ez’okumakya nga baatuuse dda olwo ku ssaawa emu, Kabaka abasimbule batandike okudduka kiromita etaano, 10 ate ne 21.

Katikkiro ng'ali n'abamaka g'obwa Pulezidenti

Ye Omukwanaganya wa poliisi n’omuntu wa bulijjo Dr. Aisha Kayongo ategezezza nga Poliisi bwetegese okudduka emisinde gya Kabaka era baawadde ne ambyulensi ezigenda okulabirira bonna abanabeera bafunye obuzibu.

Emisinde gino giwagiddwa Bukedde ne Newvision empapula za Vision Group, Airtel, I&M bank, Nivana, UNAIDS, Uganda Aids Commission n’ebitongole ebiral