RunyankoleLugandaEnglish
Amawulire

Batabaganyizza aba Mothers Union n’abaali bawambye ekizimbe kyabwe

BANNAKIBIINA kya Mothers Union mu Bulabirizi bw’e Namirembe babugaanye essanyu oluvannyuma lwa kkooti eyakulembeddwa omulamuzi Simon Peter Kinobe okubatabaganya n’aba kkampuni enzimbi eya Buconi abaali baawamba ekizimbe kyabwe nga mu kiseera kino kiri mu mikono gyabwe era bakkaanyizza okubasasula obukadde 500 mu kifo ky’akawumbi.

Rev Stepen Lumu akulira ekitongole ekibuulizi ky’enjiri e Namirembe (wakati), Biingi (owookuna ku kkono) n’abalala nga bali ku kizimbe.
By: Bukedde Omusunsuzi, Journalist @NewVision

BANNAKIBIINA kya Mothers Union mu Bulabirizi bw’e Namirembe babugaanye essanyu oluvannyuma lwa kkooti eyakulembeddwa omulamuzi Simon Peter Kinobe okubatabaganya n’aba kkampuni enzimbi eya Buconi abaali baawamba ekizimbe kyabwe nga mu kiseera kino kiri mu mikono gyabwe era bakkaanyizza okubasasula obukadde 500 mu kifo ky’akawumbi.

Bino byategeezeddwa Pulezidenti wa Mothers Union, Roseline Biingi Kawiso mu kusaba okw’okwebaza okwategekeddwa e Namirembe ku kizimbe kya Mothers Union nga kwakulembeddwamu Rev. Stephen Lumu akulira ekitongole ekibuulizi ky’enjiri e Namirembe era nga kwetabiddwako abakulembeze mu Mothers Union, Ssentebe w’abavubuka Arther Kalumba, n’abalala.

Biingi yategeezezza nti, mu myaka ena babadde balina obutakkaanya n’abazimbi aba kkampani ya Baconi abaapangisibwa abakulembeze abaaliko nga bano baazimba fuloowa yawansi yokka era nga baalina kubasasula obukadde 470 kyokka bbo nga babanja kawumbi, era bwe baagaana okubasasula ne bawamba ekizimbe okumala emyaka ena nga kino kibadde kikuumibwa bakanyama nga tewali wa Mothers Union akkirizibwa kugendawo.

Yagambye nti, ekizimbe kigenda kuganyula Abakristaayo bonna Ekizimbe kyali kyatuumibwa Mothers Union Developers wabula erinnya bagenda kulikyusa kituumibwe ekizimbe kya Mothers Union.

Tags:

Emboozi Ezifanagana

Amawulire

Amasaza ga Buganda geebugira mpaka z'amaato

Amawulire

Aba Kiddawalime - Namungoona ne Strathearn Masanafu batenderezza PASS PLE wa Bukedde

Amawulire

Beeyamye okutumbula ebyenjigiriza n’ebyobulamu

Amawulire

Akakiiko k’ebyokulonda kataddewo obukwakkulizo ku baagala obwa LC

Amawulire

Ow’amaka g’Obwapulezidenti atabukidde Mamerito n’ab’ekisaawe ky’e Namboole okugobaganya abantu