Amawulire
Poliisi eyigga abazigu abaayingiridde omusuubuzi ne bamuttira mu dduuka lye!
Poliisi e Mityana, eyigga abatemu abaayingiridde omusuubuzi ne bamuttira mu dduuka lye, mw'abadde akolera.
Poliisi eyigga abazigu abaayingiridde omusuubuzi ne bamuttira mu dduuka lye!
By: Godfrey Kigobero, Journalist @New Vision
Poliisi e Mityana, eyigga abatemu abaayingiridde omusuubuzi ne bamuttira mu dduuka lye, mw'abadde akolera.
Bibadde mu Bamunaanika Cell mu muluka gw'e Katakala mu ggombolola y'e Busimbi e Mityana, abatemu bwe basse Lydia Nansubuga owa mobile money mu kitundu ekyo.
Kigozi ng'annyonnyola
Kigambibwa nti abazigu baamufumise ekiso mu bulago ne bamulesa omwana ow'emyaka Omusanvu
Okumulaba, kiddiridde omutuuze Eron Nampewo, okutuma omwana ebintu ku dduuka n'asanga nga waggule naye nga Nansubuga abolooga ataawa nti kwe kuyita nnyina ne bamuyoolayoola okumutwala mu ddwaliro kyokka n'afiira mu kkubo.
Omwogezi wa poliisi mu Wamala, Lameck Kigozi, agambye nti omulambo bagututte mu ggwanika ly'eddwaaliro e Mityana ng'okuyigga abatemu bwe kugenda mu maaso.