Amawulire
Abantu bataano abagambibwa okwenyigira mu bubbi obwenjawulo nga beeyambisa amajambiya bakwatiddwa.
Abantu bataano abagambibwa okwenyigira mu bubbi obwenjawulo nga beeyambisa amajambiya bakwatiddwa.
Abamu ku bakwatiddwa
By: Godfrey Kigobero, Journalist @New Vision
Abantu bataano abagambibwa okwenyigira mu bubbi obwenjawulo nga beeyambisa amajambiya bakwatiddwa.
Mu kikwekweto ekikoleddwa, poliisi ezudde emmotoka bbiri okuli Noah nnamba UBR 796R ne Wish nnamba UA 129 CU ezigambibwa okweyambisibwa mu bubbi.
Kidiridde obubbi obwabadde mu zooni ya Kisingiri cell e Bunnamwaya mu Makindye Ssabagabo e Wakiso, mwe baamenyedde edduuka lya mobile money ne babba ssente ezitannamanyika muwendo.
Poliisi yafunye amawulire nti abenyigidde mu bubbi, bali Nabisaalu okumpi n'akatale e Katwe era kwekukwatako bataano.
Abakwatiddwa, kuliko Believer Eddie Muwanguzi, Faisal Kato, Shafic Katongole, abudallah Kiyingi ne Derrick Tumwine. Mu kwaza amaka e Ggangu B cell e Busabala, bazudde ebiso n'ebirala.
Omwogezi wa poliisi mu Kampala, Recheal Kawala, agambye nti kigambibwa bano bazze benyigira mu bubbi obwali e Seeta Mukono nga beeyambisa emmotoka ezo, wamu n'e Kawempe n'awalala