Amawulire
Abeebijambiya batemyetemye omusuubuzi ne bamunyagako bukadde e Sironko
ABABBI ab'ebijambiya, balumbye omusuubuzi mu dduuka, ne bamutema ebiso ku mutwe n'emikono ne bamuleka ng'azirise, n'oluvannyuma ne babulawo n'omuwendo gw'ensimbi ogutannamanyika.
Abeebijambiya batemyetemye omusuubuzi ne bamunyagako bukadde e Sironko
By: Godfrey Kigobero, Journalist @New Vision
ABABBI ab'ebijambiya, balumbye omusuubuzi mu dduuka, ne bamutema ebiso ku mutwe n'emikono ne bamuleka ng'azirise, n'oluvannyuma ne babulawo n'omuwendo gw'ensimbi ogutannamanyika.
Obunyazi , bubaddewo ku ssaawa nga 7:30 ekiro, bwe balumbye Anania Muyiya 42, ku kyalo Nadiso B mu ggombolola y'e Buwalusi mu disitulikiti y'e Sironko ne bamutema ku mutwe ne ku mikono, oluvannyuma ne babba ssente.
Ssentebe wa LC1 mu kitundu ekyo, Samuel Kiriga , asobodde okutemya ku poliisi era nga bali wamu ne baliraanwa, bamudusizza mu ddwaaliro e Mbale, gy'ali mu kufunira obujjanjabi.
Omwogezi wa poliisi e Mbale, Rogers Taitika, ategeezezza nti tewannabaawo akwatibwa, naye ng'omuyiggo gw'abanyazi bano, gugenda mu maaso.