Ab'omu Kirolokole basabye KCCA obutaasa ku kasasiro n'ebiku!
ABATUUZE b'e Kawempe mu Kirokole zooni basabye ekitongole kya KCCA okubayamba mu kugonjoola ekizibu kya kasasiro gwe bagamba nti avuddeko eby’obuyonjo okusereba.
Ab'omu Kirolokole basabye KCCA obutaasa ku kasasiro n'ebiku!
ABATUUZE b'e Kawempe mu Kirokole zooni basabye ekitongole kya KCCA okubayamba mu kugonjoola ekizibu kya kasasiro gwe bagamba nti avuddeko eby’obuyonjo okusereba.
Omutuuze ng'aggya kasasiro mu mufulejje. Ku ddyo ye Hajjati Buzeki
Amyuka Meeya we Kawempe nga naye ssentebe wa Kirokole zooni, Joseph Kibuga yagambye nti abatuuze bali mu kusoomoozebwa olwa kasasiro asusse nga kino kivuddeko embeera y'obuyonjo okusereba abamu okutuuka okumusuula mu mifulejje ne gizibikira.
Yagambye nti mmotoka ezitwala kasasiro zirwawo okuyita mu kitundu kino okusobola okumutwala nga kino kivaako abamu ku batuuze okumusuula buli we basanze nga mu myala n'emifulejje ne gizibikira olwo enkuba bw'etonnya amazzi ne gayita ku ngulu ne gabo¬mola enguudo.
Yategeezezza nti okuwana ekizibu kya kasasiro KCCA ebasindikire mmotoka eziwerako zisobole okumusomba ekizibu kino abatuuze bakiwone.
Akulira KCCA Hajjati Sharifa Buzeki yategeezezza abatuuze nga KCCA bwe yafunye ssente okuva mu gavumenti okugula mmotoka ezisomba kasasiro 5 bazongere ku 34 eziriwo.