Amawulire
Trump oluvudde mu World Cup n’akuba bubi Iran
EBY’OLUTALO lwa America ne Iran bisajjuse, Trump bw’avudde mu fayinolo z’ekikopo ky’ensi yonna ne bamufuuwa amawulire g’abajaasi b’eggwanga lye abattiddwa n’akuba eggwanga erya (Iran) okulifiirako.
Omukka nga gunyooka ku ssengejjero ly’amafuta erya Bapco Oil Refinery ku kizinga ky’e Sitra.
By: Bukedde Omusunsuzi, Journalist @NewVision
Iran
EBY’OLUTALO lwa America ne Iran bisajjuse, Trump bw’avudde mu fayinolo z’ekikopo ky’ensi yonna ne bamufuuwa amawulire g’abajaasi b’eggwanga lye abattiddwa n’akuba eggwanga erya (Iran) okulifiirako.
Mu kusooka, Iran eyasse abajaasi ba America ababiri mu Jordan ng’omu ku bo yabuze oluvannyuma ebitundu by’omubiri gwe ne bizuulibwa, yasse omujaasi omulala mu Iraq eyabadde ategulula ennyonyi ya drone eyeevuga yokka n’emutulikira.
Abaasoose okuttibwa okwabadde Pvt. Isabella Gonzales ne First Lt. Tyler James Feehan, baabadde mu nkambi ya America mu Jordan eyitibwa Muwaffaq Salti Air Base. Eyabadde mu Iraq, okusinziira ku minisitule ya America ey’ebyokwerinda eya Department of War, yafudde ku wiikendi munne omulala omu n’agendera ku bisago.
Bino Pulezidenti Donald Trump eyabadde mu Ssaza ly’e New York ku Ssande gye yakwasirizza aba Spain ekikopo kya World Cup kye baawangudde, olwavuddeyo yaduumidde olutalo kasiggu mwe baakubidde Iran kumpi butasigaza lutindo, mirongooti, nkambi n’ebirala ebyekuusa ku ntambula z’amagye okusinziira ku mawulire ga CNN.
Abaasoose okuttibwa okwabadde Pvt. Isabella Gonzales ne First Lt. Tyler James Feehan, baabadde mu nkambi ya America mu Jordan eyitibwa Muwaffaq Salti Air Base. Eyabadde mu Iraq, okusinziira ku minisitule ya America ey’ebyokwerinda eya Department of War, yafudde ku wiikendi munne omulala omu n’agendera ku bisago.
Bino Pulezidenti Donald Trump eyabadde mu Ssaza ly’e New York ku Ssande gye yakwasirizza aba Spain ekikopo kya World Cup kye baawangudde, olwavuddeyo yaduumidde olutalo kasiggu mwe baakubidde Iran kumpi butasigaza lutindo, mirongooti, nkambi n’ebirala ebyekuusa ku ntambula z’amagye okusinziira ku mawulire ga CNN.
Trump eyabadde omunyiikaavu yagambye nti, ‘US hitting Iran 'very hard,' nti, America esesebbudde Iran bubi nnyo n’agattako nti; ‘very hard’ to honour the American service members who have been killed in recent days,’ ‘Nti mu kwesasuza olwa Iran okutta amagye ga America.
IRAN ETABUSE
Ng’ekubiddwa, Iran yabadde nga ensweera enkubeko era okusinziira ku mawulire ga The Guardian, eggye lyayo erya Islamic Revolutionary Guard Corps, kyategeezeddwa bwe litagenda kukkiriza ggwanga lyonna mu Buwalabu, kuddamu kuyisa ttondo ly’amafuta mu kagolomolo, k’abeere ggaasi.
Mu kukakasa okwesasuza kwayo, era Iran, yategeezezza bwe yakubye ennyonyi ya America mu Jordan ku kisaawe kya Aqaba Airport ng’ekozesa mizayiro ez’amaanyi ekika kya Ballistic wadde ekyo tekinnakakasibwa.
Yagasseeko nti, yakubye n’emmeeri bbiri ezaabadde ziyita mu kagolomolo ku Mmande. Ekiwandiiko ky’eggye eryo, kyabaddekimpi era tekyalaze mmeeri za kika ki oba za mawanga ki okusinziira ku mawulire ga Reuters.
Kyokka ekitongole kya Bungereza ekya Maritime Trade Operations Agency ekikola ku by’entambula z’oku mazzi ky’alaze emmeeri eyabadde mu mazzi g’akagolomolo ku ludda lwa Oman, ng’etuntumuka.
America eyagala Iran eggule akagolomolo kyokka yo egamba nti, okukaggula amawanga gonna galina okukkiriza nti, galina okusasula emisolo kuba kaayo.
Egamba nti, emu ku nnyingo mu ndagaano gye baateekako emikono nga June 17 wakati waayo ne America okukomya olutalo, bakkaanya Iran kennyini yeesalirewo ku ngeri gy’egenda okutambuzaamu akagolomolo. Wabula Trump agamba nti, ekyo tekyalimu.
IRAN ETABUSE
Ng’ekubiddwa, Iran yabadde nga ensweera enkubeko era okusinziira ku mawulire ga The Guardian, eggye lyayo erya Islamic Revolutionary Guard Corps, kyategeezeddwa bwe litagenda kukkiriza ggwanga lyonna mu Buwalabu, kuddamu kuyisa ttondo ly’amafuta mu kagolomolo, k’abeere ggaasi.
Mu kukakasa okwesasuza kwayo, era Iran, yategeezezza bwe yakubye ennyonyi ya America mu Jordan ku kisaawe kya Aqaba Airport ng’ekozesa mizayiro ez’amaanyi ekika kya Ballistic wadde ekyo tekinnakakasibwa.
Yagasseeko nti, yakubye n’emmeeri bbiri ezaabadde ziyita mu kagolomolo ku Mmande. Ekiwandiiko ky’eggye eryo, kyabaddekimpi era tekyalaze mmeeri za kika ki oba za mawanga ki okusinziira ku mawulire ga Reuters.
Kyokka ekitongole kya Bungereza ekya Maritime Trade Operations Agency ekikola ku by’entambula z’oku mazzi ky’alaze emmeeri eyabadde mu mazzi g’akagolomolo ku ludda lwa Oman, ng’etuntumuka.
America eyagala Iran eggule akagolomolo kyokka yo egamba nti, okukaggula amawanga gonna galina okukkiriza nti, galina okusasula emisolo kuba kaayo.
Egamba nti, emu ku nnyingo mu ndagaano gye baateekako emikono nga June 17 wakati waayo ne America okukomya olutalo, bakkaanya Iran kennyini yeesalirewo ku ngeri gy’egenda okutambuzaamu akagolomolo. Wabula Trump agamba nti, ekyo tekyalimu.