Bannamakolero bamaze ne bawagira kampeyini ya bulungibwansi oluvannyuma lw'okusooka okugisimbira ekkuuli
Bannamakolero bamaze ne bawagira kampeyini ya bulungibwansi oluvannyuma lw'okusooka okugisimbira ekkuuli
Bannamakolero nga betaabye mu bulungibwansi
BANNAMAKOLERO bawagidde entegeka za gavumenti ez'okutongoza olunaku lwa Saturday olusemba buli mwezi okusobozesa abantu okwetaba mu kuyonja eggwanga lyonna.
Akulira ekibiina ky'abannamakolero David Bahati ng'akulembeddemu team y'abannamakolero okukola bulungibwansi
Bannamakolero nga beetabye mu bulungibwansi
Wabula atwala ekibiina ekigatta bannamakolero, Dr. Ezra Muhumuza agambye nti bweyatutte okwemulugunya kw'abannamakolero eri minisita atwala amakolero, David Bahati, yakitegedde nti gavumenti yagenderedde kaweefube wakuyonja ggwanga.
Yagambye nti oluvannyuma baakisembye ne bakkaanya okukkiririza mu kaweefube ow’enjawulo mu bannamakolero okuyonja yonna mu bifo gyebakolera okutangira okuguza abantu ebiva mu bifo ebicaafu. Agambye nti balangiridde ekikwekweto okukunga bannamakolero wonna mu ggwanga okweyonja n’ebitundu ebibeetoolodde okusinga abantu abalala.
Bannamakolero nga beetabye mu bulungibwansi
Bino yabyogedde mu kutongoza enkola y’okuyonja mu bannamakolero okubadde ku kkampuni ya Uganda Baati mu kifo ky’amakolero nga gukuliddwamu minisita atwala amakolero, David Bahati. Gwetabiddwako akulira kkampuni eno, George Orodi nga begattiddwako abakozi okuva mu kkampuni ya Fine Spinners ekola engoye.
Bahati agambye nti ng'oggyeko okuteeka mu nkola ekiragiro kya gavumenti eky’okweyonja, abamakolero balina okufuba okuguza abantu ebintu ebikolebwa mu bifo ebiyonjo.
Bannamakolero nga beetabye mu bulungibwansi
Agambye nti amakolero geyongedde mu ggwanga nga gakola ebitundu 27 n’obutundu 4 ku buli 100 ku byenfuna byeggwanga kyokka balina okulaba nti abantu byebagya mu makolero biri ku mutindo nga bakuuma obutonde bw’ensi.
Orodi akulira Uganda Baati yasabye gavumenti eteekewo etteeka ekkakali okukwata n’okusiba abamansa kasasiro, gweyagambye nti avaako amataba agajojobya amakolero ga Industrial Area.