Amawulire

Sipiika Oboth Oboth ne Thomas Tayebwa basbye ku buwagizi bwa Olara Otunu

SIPIIKA wa palamenti Jacob Oboth n'omumyuka we Thomas Tayebwa basabye omuwandiisi w'ekitongole ekitaba palamenti eziri mu mawanga agali ku lukalu lwa Afrika, Caribbean ne Pacific , (Organization of African, Caribbean and Pacific States) Moussa Saleh Batraki okukubiriza amawanga gonna agali mu mukago gano okuwagira munnayuganda Olara Otunnu okulaba nga awangula ekifo kya Ssaabawandiisi mu kibiina ky'amawanga amagatte( United Nations)

Oboth Oboth n'abakungu abalala

By: Teopista Nakamya, Journalist @New Vision

SIPIIKA wa palamenti Jacob Oboth n'omumyuka we Thomas Tayebwa basabye omuwandiisi w'ekitongole ekitaba palamenti eziri mu mawanga agali ku lukalu lwa Afrika, Caribbean ne Pacific , (Organization of African, Caribbean and Pacific States) Moussa Saleh Batraki okukubiriza amawanga gonna agali mu mukago gano okuwagira munnayuganda Olara Otunnu okulaba nga awangula ekifo kya Ssaabawandiisi mu kibiina ky'amawanga amagatte( United Nations)

Sipiika Oboth Oboth ng'ayogera

Okusaba kuno bakukoledde ku palamenti mu nsisinkano gye babaddemu ne Batraki oluvannyuma lw'okukyalako ku palamenti

Otunnu munnakibiina kya UPC, okuvuganya ku kifo kino, yakakasibwa omukulembeze w'eggwanga gyebuvuddeko era nga guno gugenda kubeera mulundi gwe ogusoose okuvuganya ku kifo kino.

Sipiika Oboth agambye nti, Otunnu ekifo kimuggwanira olw'obumanyirivu bwalina n'obukakkamu so ng'alina obukugu obw’enjawulo mu kutaputa ensonga ezeekusa ku mawanga n’obukulembeze.

Agamba abadde mpagi nnene mu kutandika , okulungamya n'okulambika abakulembeze omuli n'omukago ogutaba palamenti eziri mu mawanga agali ku lukalu lwa Afrika, Caribbean ne Pacific , Omumyuka wa sipiika Tayebwa yategeezezza nga pulezidenti Museveni bwafuba okulaba nga ekitebe ekikulu eky'ekitongole kizimbibwa wano muggwanga wadde nga okuvuganya ku nsonga eno ku kyali kwa maanyi

Omumyka wa Sipiika Thomas Tayebwa ng'ayogera

Omumyka wa Sipiika Thomas Tayebwa ng'ayogera

SSinga kiggyibwa mu Brussel mu ggwanga lya Belgium gye kiri, Tayebwa yalaze nti kyakuyamba okunyweza obwetwaze bw'ekitongole n'okuggyayo obulungi ebiruubirwa bya mawanga gonna agali mu kitongole.

Okuli okutumbula enkulaakulana ey’olubeerera, okumalawo obwavu, n’okukwasaganya enkolagana ey’awamu ey’ebyobusuubuzi n’ebyenfuna n’omukago gwa Bulaaya.

Ekitongole kino, Kirimu amawanga 79 okuli Uganda, Angola, Kenya, South Africa, Jamaica, Trinidad, Samoa, Fiji n'amalala.

Batraki asuubizza okuwa Otunnu obuwagizi wabula nategeeza nga bweyandiyagadde okulaba ekibuga kye Kampala bwekitunula nga obudde buzibye.

Emboozi Ezifanagana

Amawulire

Omujaasi eyalondodde muganzi we n'amuttira gye yafumbirwa yasooka kuloopa mu baabuyinza

Amawulire

Akulira okuteekeratekera ababundabunda mu office ya Katikkiro wa Uganda Patrick Okello asindikiddwa mu kkomera e Luzira

Amawulire

Abadde omwogezi wa Poliisi mu Greater Bushenyi akwasiddwa ofiisi y'omutabaganya wa poliisi n'omuntu wa bulijjo mu Kampala

Amawulire