Amawulire
Abantu 2 abagambibwa okwenyigira mu bubbi bw'emmundu n'okutemula abantu bakwatiddwa
Bano kuliko Micheal Mutyaba ne Paul Bazalanga era nga mu kubakunya, kigambibwa baalonkomye awali emmundu ekika kya AK 47 ne magaziini bbiri nga mulimu amasasi 58 , poliisi n'egizuula wamu n'ebyafaananyiriza ebyambalo by'ekijaasi.
Abantu 2 abagambibwa okwenyigira mu bubbi bw'emmundu n'okutemula abantu bakwatiddwa
By: Godfrey Kigobero, Journalist @New Vision
Abantu babiri abagambibwa okwenyigira mu bubbi bw'emmundu n'okutemula abantu bakwatiddwa poliisi.
Omu ku baakwatiddwa poliisi
Bano kuliko Micheal Mutyaba ne Paul Bazalanga era nga mu kubakunya, kigambibwa baalonkomye awali emmundu ekika kya AK 47 ne magaziini bbiri nga mulimu amasasi 58 , poliisi n'egizuula wamu n'ebyafaananyiriza ebyambalo by'ekijaasi.
Okubakwata, kiddiridde ababbi ab’emmundu nga July 14 ku Rafik Gardens mu Kiti A cell e Nangabo mu Wakiso, bwe baafumbiikirizza loole ya bbiya ne balumya ddereeva ne bakuba ne maneja wa Rafik Gardens amasasi ne babba bakaasitooma amasimu n'ebintu ebiwerako ne babulawo.
Emmundu egambibwa nti gye baakozesa
Amyuka omwogezi wa poliisi mu Kampala n'emiriraano ,Luke Owoyesigyire, agambye nti okuva olwo, babadde babalondoola okutuusa lwe baakutteko babiri nga bakyayigga n'abalala abali mu kibinja kino.