Amawulire
Mmotoka eremeredde ddereeva waayo ne yeefuula n'emutta e Rukungiri
Akabenje kabadde Rwabigangura - Kebisoni ku luguudo oluva e Rukungiri okudda e Ntungamo, mmotoka Toyota Sienta nnamba UA 925BL bw'egudde n'etta Onesmus Natukunda era nga y'abadde agivuga.
Mmotoka eremeredde ddereeva waayo ne yeefuula n'emutta e Rukungiri
By: Godfrey Kigobero, Journalist @New Vision
Omuntu omu afiiridde mu kabenje akagudde e Rukungiri, mmotoka bw'eremeredde ddereeva n'egwa ne yeefuula.
Akabenje kabadde Rwabigangura - Kebisoni ku luguudo oluva e Rukungiri okudda e Ntungamo, mmotoka Toyota Sienta nnamba UA 925BL bw'egudde n'etta Onesmus Natukunda era nga y'abadde agivuga.
Omwogezi wa poliisi e Kigezi, Nelson Tumushime asabye abavuzi b'ebidduka, okugoberera amateeka g’oku nguudo okwewala obubenje era n'akubagiza abeng’anda z'omugenzi okuviibwako omuntu waabwe.