Poliisi efunzizza abazigu ababadde baagala okunyaga essundiro ly'amafuta n'ekwatako omu!

POLIISI erinnye eggere mu lukwe abazigu b’emmundu lwe babadde baluse okunyagulula essundiro ly’amafuta n’ekwatako omu, ssaako okuzuula emmundu gye babadde nayo.

Ppiki kwe baabadde batambulira ekwatiddwa.

Agambibwa okwagala okunyaga amafuta eyakubiddwa ng'ali mu ddwaaliro e Masindi

Omwogezi wa poliisi mu ggwanga, Kituuma Rusoke yagambye nti abazigu babiri baagenze ku ssundiro ly’amafuta nga batambulira ku pikipiki nnamba UGG 529 B ng’emmundu yaabwe bagikwese mu kikooti ne bagezaako okubuzaabuza omukuumi nga bamusaba abakwatireko wabula n’abatebuka.

Mmundu gye baabasuuzizza

Yagambye nti omukuumi yeenyodde n’abazigu bano ekyavuddeko abantu abaabadde okumpi okusembera ne bakwatao omu eyategeerekeseeko nga Ronald Odoma ne bamukwasa poliisi ate ne bazuula n’emmundu gye baabadde bagenze nayo wamu ne ppikipiki wabula omulala n’adduka.

Yayongeddeko nti omukuumi yayolesezza obuvumu bwe yalwanaganye n’abazigu bano abaabadde bagezaako okumubuzaabuza kuba kano ke kakoddyo abazigu ke batera okukozesa nga babawuddiisa oluvanyuma ne babakuba oba okubawa ebyokulya ebirimu kalifoomu ne babba.

Yagambye nti mu kanyoolagano kano,  abadduukirize bakubye omu ku bo n’atwalibwa mu ddwaliro e Masindi gy’akuumirwa ku mpingu nga poliisi bw’enoonya omulala naye avunaanibwe.