Amawulire
Tuleera eremeredde omugoba wayo n'egwira emmotoka entono abantu babiri bafiiriddewo ate abaana bana ne baweebwa ebitanda mu ddwaaliro
Abantu babiri bafiiriddewo ate abaana abalala bana ne baweebwa ebitanda mu ddwaaliro e Mubende oluvannyuma lw'okugwa ku kabenje akabadde ku luguudo lwa Mityana - Mubende highway.
Emmotoka ya Nissan omubadde abantu Mukaaga tuleera gyegwiridde nesaanawo
By: Godfrey Kigobero, Journalist @New Vision
Abantu babiri bafiiriddewo ate abaana abalala bana ne baweebwa ebitanda mu ddwaaliro e Mubende oluvannyuma lw'okugwa ku kabenje akabadde ku luguudo lwa Mityana - Mubende highway.
Akabenje kabaddewo ku ssaawa nga bbiri n'ekitundu mu kiro ekikeesezza leero e Kagavu mu Ggombolola y'e Kalonga mu disitulikiti y'e Mubende, tuleera nnamba UBK 132F n'ekyana kyayo nnamba UBK 710 J ebadde eva e Mubende,
bweremeredde dereeva n'egwira emmotoka entono Nissan Murano nnamba UBD 063R omubadde abantu Mukaaga, n'egiwummulirako.
Kasiringi nga eggyawo tuleera eya egwiiridde emmotoka entono Nissan
Abafudde n'abalumiziddwa, bonna, babadde mu mmotoka entono. Abafudde kuliko Kenneth Kaijuka 45 n'omulala atannamanyika mannya.
Abafunye ebisago abana, kuliko Johana Bala 11, Rebecca Isabella 5 , Gabriella Kawini ne Dorothy 12 era nga bali mu kunjabibwa.
Omwogezi wa poliisi mu Wamala, Lameck Kigozi, agambye nti bakyafuba okujja emmotoka mu kkubo, ebidduka bisobole okuddamu okutambula obulungi.