Amawulire
Akabenje katuze ddereeva wa Fuso gwe babadde bagezaako okuyisa ku lw'e Iganga
OMUNTU omu afiiriddewo, n'omulala n'aweebwa ekitanda ng'ali mu mbeera mbi, mu kabenje akabadde e Busei ku luguudo oluva e Iganga okudda e Bugiri.
Akabenje katuze ddereeva wa Fuso gwe babadde bagezaako okuyisa ku lw'e Iganga
By: Godfrey Kigobero, Journalist @New Vision
OMUNTU omu afiiriddewo, n'omulala n'aweebwa ekitanda ng'ali mu mbeera mbi, mu kabenje akabadde e Busei ku luguudo oluva e Iganga okudda e Bugiri.
Akabenje kabaddewo, mmotoka Fuso nnamba UAM 483 F bw'ebadde egezaako okuyisa emmotoka endala ku ssaawa nga bbiri ekiro, n'etomera Fuso endala nnamba UA 108AY ng'egiva emabega n'egiggya ku luguudo n'egisuula ebbali.
Ddereeva wa Fuso UA 108 AY Emma Walugendo 36 ,abadde omutuuze w'e Naminya mu Buikwe disitulikiti, afiiriddewo omulambo ne gutwalibwa mu ggwanika ly'eddwaliro e Iganga ate taanimaani w'emmotoka y'emu, n'aweebwa ekitanda mu ddwaaliro e Nakavule.
Omwogezi wa poliisi mu Busoga East , Micheal Kasadha, agambye nti, emu ku mmotoka ekyali mu kifo, naye ng'endala etwaliddwa ku poliisi ng'okubuuliriza kugenda mu maaso