Amawulire
Abavubuka abagambibwa okutigomya abatuuze b'e Luweero, Nakasongola, Ziroobwe, Bombo ne Nakaseke, Poliisi ebakutte
Abantu nga 30 abagambibwa okuba aboomutawaana mu kutigomya abatuuzde b'e Luweero, Nakasongola, Ziroobwe, Bombo ne Nakaseke, bakwatiddwa poliisi.
Abavubuka abagambibwa okutigomya abantu ku poliisi
By: Godfrey Kigobero, Journalist @New Vision
Abantu nga 30 abagambibwa okuba aboomutawaana mu kutigomya abatuuzde b'e Luweero, Nakasongola, Ziroobwe, Bombo ne Nakaseke, bakwatiddwa poliisi.
Abamu ku bakwatiddwa, kuliko Reagan Kalyango amanyiddwa nga "My Lord" nga y'agambibwa okukuliramu ekibinja, Ismail Ssenyonga amanyiddwa nga "Kashagama", Umar Ivan Kigenyi ne Hussein Muteesaasira amanyiddwa nga "Kapere."
Abavubuka abaakwatiddwa
Bano kigambibwa baludde nga bakuba abantu peeva, amayinja, obutayimbwa, okubatema amajambiya , okuteega aba bodaboda ne bazibba okumenya amayumba mu Kizito zooni e Bombo mu town ne Nakaseke.
E Bajjo Bombo, Buyego, ku mile 21, bataano bakwatiddwa ate abalala 7 bagiddwa Kasana, 10 Kalagala.
Omwogezi wa poliisi mu Savanna, Sam Twiineamazima, agambye nti bakutwalibwa mu kkooti ku misango egyenjawulo era nga waliwo n'ebizibiti ebizuuliddwa.