Amawulire
Agambibwa okumenya amayumba g'abantu e Nansana akwatiddwa
OMUNTU omu agambibwa okutigomya abatuuze b'e Nansana ne Wakiso mu kumenya amayumba gaabwe n'okubabba, akwatiddwa poliisi.
Agambibwa okumenya amayumba g'abantu e Nansana akwatiddwa
By: Godfrey Kigobero, Journalist @New Vision
OMUNTU omu agambibwa okutigomya abatuuze b'e Nansana ne Wakiso mu kumenya amayumba gaabwe n'okubabba, akwatiddwa poliisi.
Ekikwekweto kikoleddwa mu Nansana West 11 A era ne bazuula tv 2, decorders 3 n'ebintu ebirala ebirowoozebwa okuba ebibbe.
Akwatiddwa ye Joshua Kigozi 21 omutuuze mu Nsumbi Kyebando e Nansana era mu kumukunya, n'ategeeza poliisi nga bino bwe yabibba mu kkanisa ya St. Stephen church of Uganda.
Kigozi era ataambuzza abasirikale ba poliisi n'abalaga ebifo eby'enjawulo mwazze abba n'ebintu byazze abba , okuli tv, ssente ne kalonda omulala era n'abatuusa ne ku bantu abalala babiri abamugulako ebibbe okuli Brian Tuumwa 29 nga naye bamusanze n'ebintu ebiwerako.
Amyuka omwogezi wa poliisi mu Kampala Luke Oweyesigyire, agambye nti ekikwekweto kikyagenda mu maaso.