ABANTU 8 nga kuliko n'abekitongole kya NIRA 4, bakwatiddwa poliisi e Mbale, ku bigambibwa nti babadde bajja ssente ku bantu,

ABANTU 8 nga kuliko n'abekitongole kya NIRA 4, bakwatiddwa poliisi e Mbale, ku bigambibwa nti babadde bajja ssente ku bantu, okubafunira endagamuntu n'okujingirira ebiwandiiko.

Bino,bibadde Sekelele mu muluka gw'e Bukhumwa mu Ggombolola y'e Bumbobi e Mbale, bwe bakutte abantu okuli Peter Khatuli, Joseph Manyasi, Guloba Frank Mukisa ne Lameck Wamauya, abakozi mu kitongole kya NIRA.

Kidiridde Omubaka wa gavumenti e Mbale, okufuna amawulire ng'abamu ku bakozi b'ekitongole bwe babadde bajja ssente ku bantu nga bagenze okwewandiisa n'okufuna endagamuntu.

Omwogezi wa poliisi e Mbale Rogers Taitika, ategeezezza nti babadde bajingirira ebbaluwa za LC 1 eri abo abatazirina ne babasaba ssente , kwe kusindika bambega ne bakwatako Munaana nga kuliko abakozi ba NIRA 4 , n'abantu abalala