Amawulire
Abasirikale ba Poliisi n'amakomera beebugira matikkira aga Degree ey'okubiri
Abaserikale ba poliisi n’abamakomera abali ku lanka eza waggulu abawera 19 bali mu kwebuga oluvannyuma lw’okumaliriza emisomo gyabwe ku Yunivaasite y’e Nkumba mu disitulikiti y’e Wakiso
Abamu ku boofiisa ba poliisi abeetegekera okutikkirwa nga bali ne Ssabaminisita Robinah Nabbanja ku ttendekero lya poliisi e Bwebajja byebuvuddeko
By: Ritah Mukasa, Journalist @New Vision
Abaserikale ba poliisi n’abamakomera abali ku lanka eza waggulu abawera 19 bali mu kwebuga oluvannyuma lw’okumaliriza emisomo gyabwe ku Yunivaasite y’e Nkumba mu disitulikiti y’e Wakiso.
Bano nga bali ku madaala aga waggulu bagenda kutikkirwa ddiguli ezookubiri (Masters) ku Lwomukaaga nga 24, 2026 ku matikkira ga Yunivaasite eno ag’omulundi ogwa 28 ng’omukolo gugenda kuyindira ku kitebe ekikulu e Nkumba.
Abaserikale bali ku madaala ga kkamisona ne Senior Superintendents of Police (SSP).
Dr. Anne Abaho akwasaganya pulogulaamu za Yunivaasite agamba nti abaserikale basatu bagenda kutikkirwa Masters in diplomacy and global studies ate 16 bafune Masters in security and strategic studies.
Bano kuliko; Senior Commissioner of Prisons (SCP) Aliyo Natukunda, Assistant Commissioner of Prisons (ACP) Ben Nyanzi ne Senior Superintendent of Prisons (SSP) Arthur Mugaba. Abalala kuliko; ASP Isaac Amanya ne ASP Engineer Robert Lule.
Dr. Anne Abaho akwasaganya pulogulaamu za Yunivaasite agamba nti abaserikale basatu bagenda kutikkirwa Masters in diplomacy and global studies ate 16 bafune Masters in security and strategic studies.
Bano kuliko; Senior Commissioner of Prisons (SCP) Aliyo Natukunda, Assistant Commissioner of Prisons (ACP) Ben Nyanzi ne Senior Superintendent of Prisons (SSP) Arthur Mugaba. Abalala kuliko; ASP Isaac Amanya ne ASP Engineer Robert Lule.
Abaho agamba nti; “Kkoosi zino zibangula ba ofiisa n’okubawa obumanyirivu mu ngeri eyoomulembe gye bakolamu emirimu gyabwe naddala omuli ebibasoomooza.”
Abaho ayongerako nti amagezi gano n’obukugu byetaagisa nnyo mu byokwerinda n’enkolagana y’amawanga.
Era obukugu buyamba abaserikale okwanganga embeera ez’akazigizzigi ng’okwekalaakasa, obusambattuko obuva mu mawanga amalala n’obufere obukudde ejjembe ku yintanenti.
SSP Dr. Bosco Arop okuva ku ttendekero kya poliisi erya Police Senior Command and Staff College Bwebajja agamba nti buli mwaka poliisi eweerera ba ofiisa mu yunivaasite ez’enjawulo okwongera ku buyigirize bwabwe naddala ddiguli za Masters.
Kino bagenderera okuziba eddibu eririwo mu byebasoma n’ebikolebwa.
“Kkoosi zino ziyambye nnyo abaserikale okuweereza obulungi,” bw’agamba.
Abaserikale bataano be baasooka okutikkirwa mu mwaka 2023 ne baddirirwa 14 mu 2024 ate omwaka oguwedde omuwendo gwalinnya ppaka ku baserikale 27.
Abaho agamba nti kkoosi zino zisomebwa abaserikale gavumenti b’eweerera n’abo abeewerera okuli n’abagwiira. Kyokka ne Yunivaasite agaba sikaala mu masomo okuli; Criminal justice, security studies, Cyber security, wildlife ne international relations mu ngeri y’okunyweza enkolagana yaayo n’abantu.
Abaho ayongerako nti amagezi gano n’obukugu byetaagisa nnyo mu byokwerinda n’enkolagana y’amawanga.
Era obukugu buyamba abaserikale okwanganga embeera ez’akazigizzigi ng’okwekalaakasa, obusambattuko obuva mu mawanga amalala n’obufere obukudde ejjembe ku yintanenti.
SSP Dr. Bosco Arop okuva ku ttendekero kya poliisi erya Police Senior Command and Staff College Bwebajja agamba nti buli mwaka poliisi eweerera ba ofiisa mu yunivaasite ez’enjawulo okwongera ku buyigirize bwabwe naddala ddiguli za Masters.
Kino bagenderera okuziba eddibu eririwo mu byebasoma n’ebikolebwa.
“Kkoosi zino ziyambye nnyo abaserikale okuweereza obulungi,” bw’agamba.
Abaserikale bataano be baasooka okutikkirwa mu mwaka 2023 ne baddirirwa 14 mu 2024 ate omwaka oguwedde omuwendo gwalinnya ppaka ku baserikale 27.
Abaho agamba nti kkoosi zino zisomebwa abaserikale gavumenti b’eweerera n’abo abeewerera okuli n’abagwiira. Kyokka ne Yunivaasite agaba sikaala mu masomo okuli; Criminal justice, security studies, Cyber security, wildlife ne international relations mu ngeri y’okunyweza enkolagana yaayo n’abantu.