Omukugu awadde amagezi ku birina okukolebwa okutereeza empeereza mu malwaliro ga Gav't
Yadde nga gavumenti ekola ekisoboka okutumbula ebyobulamu ng’eyongeza bajeti, omuwendo gw’abasawo n’amalwaliro, obuweereza bukyalimu ebirumira.
Omwana ng'ajjanjabibwa ku Cancer Institute e Mulago
Yadde nga gavumenti ekola ekisoboka okutumbula ebyobulamu ng’eyongeza bajeti, omuwendo gw’abasawo n’amalwaliro, obuweereza bukyalimu ebirumira.
Peter Kaddu, omusomesa wa yunivasite era nga nnakinku mu kunoonyereza agamba nti ekimu ku bisobola okutereeza obuweereza mu byobulamu naddala mu malwaliro ga gavumenti kwe kuteeka essira ku bakozi. Agamba nti amalwaliro galina okubeera n’abakozi abatuufu mu bifo ebituufu mu kiseera ekituufu.
Peter Kaddu (wakati) mu ssuuti yakoze okunoonyereza ku biyinza okutereeza ebyobulamu
Bino Kaddu yabizudde mu kunoonyereza kwe yakoze okumala emyaka mukaaga mu malwaliro ga gavumenti bwe yabadde asoma ddiguli ye essembayo eya PHD (Doctor of Philosophy) in Public Administration (Human Resource Planning) ku Yunivasite e Nkumba. Kaddu agenda kutikkirwa ku Lwomukaaga nga October 26, 2026.
Omusomesa wa Yunivasite awabudde ku ddembe ly’obuntu
Agamba nti kirungi nnyo amalwaliro okubeera n’ebizimbe n’ebikozesebwa ebyomulembe kyokka ebyo tebitegeeza nti abantu bajjakuyambibwa.
“Nnasalawo okukola okunoonyereza kuno nsobole okugatta ettoffaali ku kutereeza ebyobulamu mu ggwanga,” bw’agamba.
“Nnakizuula nti abakozi mpagi nnene nnyo mu bitongole n’amalwaliro.” Ayongerako nti ekitongole ne bwekibeera n’amateeka amalungi, ebikozesebwa ebyomulembe nga n’ebyensimbi byakyo binywevu, kyokka abakozi bwe babeera tebafiibwako mu ngeri y’okubateekateeka n’okubateeka mu bifo ebituufu, ekitongole ekyo kibeera mu matigga.
Robert Sebunnya wakati mu suit agamba nti okunoonyereza kwe kuyinza okubaako byekukyusa
Kaddu asaba abakulembeze ne gavumenti okuteeka okunoonyereza kwe mu nkola mu kaweefube w’okutereeza ebyobulamu.
“Tuwaayo obudde bungi ne ssente ne tukola okunoonyereza naye kyannaku nti ebisinga bikoma mu bitabo kyokka nga byandiyambye okugonjoola ebisoomooza eggwanga lyaffe,” bwe yagambye.