Ssenyonyi asabye Palamenti wabeewo ekikolebwa ku masannyalaze agavaavaako buli kadde

AKULIRA oludda oluvuganya mu palamenti Joel Ssenyonyi, ayanjudde ensonga ya masannyalaze agavaako olutatadde n’asaba wabeewo ekikolebwa okumalawo okufiirizibwa mu Bannayuganda.

Kontulakiti ya UMEME  okubunyisa amasannyalaze mu ggwanga yaggwaako omwaka oguwedde nga bukya ekitongole kya UEDCL kikiddira  mu bigere abantu si bamativu n’empeereza yaakyo .

Abadde akyalambulula nti ku mbeera y’amasannyalaze mu ggwanga, omumyuka wa sipiika, Tayebwa n’amukomako.

Amutegeezezza nti ensonga z’amasannyalaze agatateredde mu ggwanga ziri mu kunoonyerezebwako akakiiko ka palamenti akalondoola ebya masannyalaze n’obugagga obw’omu ttaka .

N’olwensonga eyo nga tebayinza kugenda maaso nakujikubaganyako birowoozo okwewala okusalirawo mu kuteebereza.

Ssentebe w’akakiiko akaakwasibwa omulimu, Dan Kimosho (Kazo) akakasizza sipiika nti banaatera okutuuka ku nkomerero y’okunoonyereza era n’asuubizza okwanjulira palamenti lipooti oba ebizuuliddwa ku mbeera y’amasannyalaze mu ggwanga wiiki ejja.