Amawulire
Poliisi ekyanoonyereza ku bulagajjavu obwavuddeko ekisenge okukuba abantu 4 mu ffamire emu ne bafiirawo!
Poliisi mu Kampala ekyagenda mu maaso n'okunoonyereza ku bulagajjavu obuvuddeko abantu bana okufa n'abalala ne balumizibwa.
Poliisi ekyanoonyereza ku bulagajjavu obwavuddeko ekisenge okukuba abantu 4 mu ffamire emu ne bafiirawo!
By: Godfrey Kigobero, Journalist @New Vision
Poliisi mu Kampala ekyagenda mu maaso n'okunoonyereza ku bulagajjavu obuvudeeko abantu bana okufa n'abalala ne balumizibwa.
Enjega eno yabadde mu zzooni ya Butto e Bweyogerere mu munisipaali y'e Kira e Wakiso , ekisenge bwe kyakubye ennyumba mwe baabadde mu nkuba nga bukya.
Abaafudde, kuliko David Okoth 25, Angella Inebe, 28 , Lucky Alaba 28 ne mutabani wa Alaba. Bonna baabadde munda mu nnyumba.
Nnyini nnyumba, Francis Ssenyonga afunye ebisago ne bamutwala mu ddwaaliro.
Kigambibwa nti enkuba ennyingi eyatonnye, yakulukusizza mukoka omungi okuva mu Delux Company n'asuula ekisenge ekikubye ennyumba bbiri abantu ne bafiiramu.
Amyuka omwogezi wa poliisi mu Kampala, Luke Owoyesigyire, agambye nti bakyanoonyereza okuzuula oba wabaddewo obulagajjavu oba nedda.