Amawulire
Poliisi ekutte baddereeva 92 mu kibuga ku by'okuvuga mmotoka nga batamiivu!!
Baddereeva 92 be bakwatiddwa mu kiro ekikeesezza leero ku bigambibwa nti basangiddwa nga bavuga ebidduka nga batamidde.
Poliisi ekutte baddereeva 92 mu kibuga ku by'okuvuga mmotoka nga batamiivu!!
By: Godfrey Kigobero, Journalist @New Vision
Baddereeva 92 be bakwatiddwa mu kiro ekikeesezza leero ku bigambibwa nti basangiddwa nga bavuga ebidduka nga batamidde.
E Kira Rd, bakutte 15 , 16 babakwatidde Kabalagala, Jinja Road 20, Kawempe 18 ate e Katwe bayodde 23.
Ebikwekweto bino bitera kukolebwa ku Lwokutaano, Olwomukaaga ne Sunday eri abo abavuga nga batamidde kye bagamba nti kyongedde obubenje.
Kigambibwa nti obubenje obusinga okufiiramu abantu, bugwawo mu biseera bya wiikendi ekiwaliriza poliisi y'ebidduka okugenda mu maaso n'ebikwekweto bino ng'omwogezi wa poliisi y'ebidduka Micheal Kananura, bw'annyonnyola.