Amawulire
Poliisi ekutte abantu 20 ku by'okukasuka amayinja n'okukola effujjo mu kuziika owa NUP
Abantu 20 abagambibwa okukasuka amayinja n'okukola effujjo ku bakungubazi mu kuziika eyali omubaka wa palamenti mu Busiro South, Charles Matovu, bakwatiddwa.
Poliisi ekutte abantu 20 ku by'okukasuka amayinja n'okukola effujjo mu kuziika owa NUP
By: Godfrey Kigobero, Journalist @New Vision
Abantu 20 abagambibwa okukasuka amayinja n'okukola effujjo ku bakungubazi mu kuziika eyali omubaka wa palamenti mu Busiro South, Charles Matovu, bakwatiddwa.
Byabadde mu kuziika e Nkungulutale e Ntebe mu Wakiso, ekibinja ky'abavubuka bwe kyakoze efujjo ku bakungubazi n'abamu ne babuna emiwabo naddala ab'ekibiina kya NRM.
Kigambibwa nti omu ku baalumiziddwa ye mmemba wa palamenti e Kibuku Herbert Kinobero ne baggyamu n'omukka mu mupiira gw'emmotoka ye.
Omwogezi wa poliisi mu ggwanga Kituuma Rusoke, agambye nti bano, baakutwalibwa mu kkooti, bavunaanibwe.