Amawulire

Byakagaba akoze enkyukakyuka mu poliisi : Abaserikale abamu basindikiddwa mu bifo ebirala

Akomezzaawo eyaliko omuduumizi w'ekitongole kya  Flying Squad Herbert Muhangi abadde mu kutendekebwa e Bwebajja nga kati atwaliddwa ng'akulira African Police Cooperation Organisation ( AFRIPOL)} nga waakutuula ku ofiisi za Interpol mu Kampala.

Byakagaba akoze enkyukakyuka mu poliisi : Abaserikale abamu basindikiddwa mu bifo ebirala
By: Godfrey Kigobero, Journalist @New Vision

OMUDUUMIZI wa poliisi mu ggwanga, Abas Byakagaba akoze enkyukakyuka mu poliisi abamu n'abasindika mu bifo ebirala.

 

Akomezzaawo eyaliko omuduumizi w'ekitongole kya  Flying Squad Herbert Muhangi abadde mu kutendekebwa e Bwebajja nga kati atwaliddwa ng'akulira African Police Cooperation Organisation ( AFRIPOL)} nga waakutuula ku ofiisi za Interpol mu Kampala.

 

Muhangi yaggyibwa mu kitongole kya Flying Squad mu 2018 ne bamuggalira n'oluvannyuma n'awerennemba n'emisango egy’enjawulo nga bali n'eyaliko Omuduumizi wa poliisi ebiseera ebyo, Gen Kale Kayihura.

 

Mu balala, ye kamiisona wa poliisi, John Grace Ssewannyana  alondeddwa okukulira 999 police Patrol Unit gye bayita Emergency Respond wansi wa Alert Squad okwongera okulwanyisa obumenyi bw'amateeka.

 

Assistant Commissioner of Police Peter Nkulega, asindikiddwa okukulira Mineral Protection Police ng'adda mu bigere bya ACP Julius Caeser Tusingwire.

 

Victoria Namuli Tamale aggyiddwa e Kira ng'omutabaganya wa poliisi n'omuntu wa bulijjo, n'asindikibwa mu Masaka East nga muno mulimu Kalangala, Kyotera, Kalungu, Bukomansimbi,Masaka City ne Masaka Rular  era ng'omutabaganya wa poliisi n'omuntu wa bulijjo. (Regional CLO)

 

Kino kiddiridde Byakagaba okusisinkana abaduumizi mu bitongole bya poliisi eby’enjawulo e Naggulu, era nga mu nkyukakyuka eno, abaserikale abawera nga 245 basindikiddwa mu bifo eby’enjawulo okusinziira ku nsonda mu poliisi.

Tags:
Amawulire
Kigobero
Baserikale
Poliisi