Ebyemizannyo
Omusambi wa Kyaggwe eyatomereganye ne munne ku kisaawe n'afiira e Mulago akanze abawagizi
ABAWAGIZI n'abazannyi ba ttiimu y'essaza Bulemeezi bali mu kiyongobero oluvannyuma lw'okufuna amawulire g'omusambi waabwe eyafiiridde mu ddwaliro e Mulago.
Omusambi wa Kyaggwe eyatomereganye ne munne ku kisaawe n'afiira e Mulago akanze abawagizi
By: Samuel Kanyike, Journalist @New Vision
ABAWAGIZI n'abazannyi ba ttiimu y'essaza Bulemeezi bali mu kiyongobero oluvannyuma lw'okufuna amawulire g'omusambi waabwe eyafiiridde mu ddwaliro e Mulago.
Rogers Ssebyondwa yafuna obuvune ku Ssande, Bulemeezi bwe yali ebbinkana ne Kyaggwe ku kisaawe ky’e Kasana mu Luweero.
Omugenzi Ssebyondwa
Yali atomera omupiira ne beekoona n'omukwasi wa ggoolo n'agwa wansi we bamuggyawo okumuddusa mu ddwaliro e Kasana.
Embeera yeeyongedde okubeera embi ne bamutwala mu ddwaliro e Mulago gy’afiiridde.
Omwogezi wa ttiimu ya Bulemeezi, Emmanuel Mugere ategeezezza nti bafunye encukwe n'asaasira abawagizi ba Bulemeezi, abazadde n'abantu bonna okuviibwako omuntu ow'omugaso.