Uganda ewangudde emidaali ebiri mu mpaka za Youth Olympic games

Mu bakyala 3000m Final
1. Faith Rono (KEN) 9:15:47
2. Tsigab Yordanus (ETH) 9:15:71
3. Keren Chelimo (UGA) 9:32:41
Mu basajja 800m Semi Finals Heat 2
1. David Sekento (KEN) 1:54:02
2. Abebe Yomif (ETH) 1:54:36
3. Timothy Cheptoek (UGA) 1:55:21

Uganda kyadaaki yawangudde emidaali gyayo ebiri egyasookedde ddala mu mpaka zabavubuka eza Youth olympic games ezibumbujjira mu kibuga Dakar ekya Senegal. Emidaali gyombi gyabadde gya misinde egyembiro eza mmita 2000 ezokubuuka nga bwogwa mu mazzi mu basajja nga guno gwawanguddwa Michael Kibet neza mmita 3000 mu bakyala ezawanguddwa Keren Chelimo.
Kibet yaddukidde edakiika 5:39:50 nakwata ekifo kyakusatu emabega wa munna kenya Wesley Kipkech ne Abdo Junedin munnansi Ethiopia  eyawangudde omudaali gwa zaabu. 

2. Chelimo ne michael Kibet nga bakutte emidaali

Keren Chelimo yeyawangudde omudaali gwa Uganda ogwokubiri nga ono naye yakutte ekifo kyakusatu mu mbiro eza mmita 3000 mu bakyala. Chelimo yaddukidde edakiika 9:32:42 namalira emabega wa Tsigard Yordanus munnansi wa Ethiopian ne munnakenya Faith Rono eyawangudde zaabu.
Uganda ezze ekola bulungi mu mbiro eza mmita 3000 nga mu 2018 sarah Chelangat yaziwangula mu bakyaka ate oscar Chelimo nawangula omudaali ogwekikomo mu mpaka ezaasembayo mu Argentina.

Cheptoek yeesozze final ya mmita 800.
Timothy Cheptoek naye yeesozze omutendera ogwa finolo mu mbiro eza mmita 800 mu basajja oluvannyuma lwokumalira mu kifo ekyokusatu.

3. Michael kibet nga ajaganya oluvannyuma lwokuwangula omudaali

Cheptoek yaddukidde 1.55.21 emabega Abebe Yomif munnansi wa Ethiopia ne munnakenya David Sekento eyaziwangulidde mu dakiika 1.54.02.
Cheptoyek naye alindiridde kukola byafaayo nga singa anaaba aziwangudde ajja kuba afuuse munnayuganda owokubiri okuwangula omudaali mu mbiro eza mmita 800. Eyasooka yali Geoffery Balimumiti’s eyawangula silver mu 2014 mu mizannyo egyali mu kibuga Nanjing ekya China.