Ebyemizannyo

Ab'e Portugal bayomba lwa Ronaldo

ABAKULIRA omupiira mu Portugal, omutendesi n'abazannyi ba ttiimu y'eggwanga balozezza ku maanyi ga Cristiano Ronaldo.

Ronaldo
By: Bukedde Omusunsuzi, Journalist @NewVision

ABAKULIRA omupiira mu Portugal, omutendesi n'abazannyi ba ttiimu y'eggwanga balozezza ku maanyi ga Cristiano Ronaldo.
Mu mupiira ogusoose bukya awummula okuzannyira tiimu y'eggwanga, Portugal yatimpuddwa Denmark (4-1) mu maaso ga bannansi baayo, abasinga ne bakyuka ne bawagira abagenyi.

Omupiira guno ogwa UEFA Nations League, ogwabadde mu kibuga Braga, Portugal yaduumiddwa Bruno Fernandes owa ManU oluvannyuman wa kapiteeni omutongole, Bernardo Silva okusookera ku katebe.
Bannansi baatandikiddewo okuηηoola omutendesi Jorge Jesus, eyakulidde okusindiikiriza Ronaldo, kyokka mu ddakiika eya 43 beeyongedde nga Hojbjerg  ateebedde abagenyi. Gwakyuse 1-0 era mu kitundu ekyokubiri, abawagizi battukizza  buto okuηηoola Jesus ekyawadde Denmark amaanyi n'efuna ggoolo  okuva ku Rasmus Hojlund (2) ne Joachim Andersen.  Bernardo Silva, eyasikidde Bruno Fernandes, we yateebedde  mu ddakiika ezongerwamu, ng'abawagizi tebakyayagala kumanya, bawuugula bazannyi na mutendesi. Oluvannyuma  baatadde obubaka  ku mitimbagano nti, "Denmark yaffe, Hojlund, mwebale
okutuwa ku ssanyu essanyu ffe abawagizi ba Ronaldo." Ronaldo 41, amaze emyaka
23 ku ttiimu eno n'agiteebera ggoolo 146 mu mipiira 234. Agiwangulidde Euro (1) ne UEFA Nations League (1).

Tags: