Gen. Muhoozi yaarambura amahe ga UPDF omuri Somalia
Gen. Muhoozi yaarambura amahe ga UPDF omuri Somalia
N’ebya Omushaki waitu
Omuhabuzi wa Purezidenti mukuru ahamirimo ey’omutaano, Gen. Muhoozi Kainerugaba yaabuganaho amahe ga UPDF agari Mogadishu omuri Somalia.
Gen. Muhoozi yashaasha n’amahe ahabw’abaserukare 54 ba UPDF abafeereire omu kutahirirwa kw’abahekyera ba Al-shabab.
Orutaayaayo rwe nirwijaho bwanyima y’okubuganaho Purezidenti wa Somalia, Hassan Sheikh Mohamud aha Villa Somalia nyomwabazyo.
Gen. Muhoozi arikurambura abaserukare abahutaire
Arikugambaho n’abaserukare ba UPDF, Gen. Kainerugaba, owaduumirireho amahe g’ahaitaka, yagumya amahe aga agarikukorera ahansi y’ekigombe ekya African Union Transition Mission in Somalia ahabw’okutahirirwa kw’ebiro 26/5/2023 omuri Buulo Mareer ahi abaserukare 54 bayitirwe omu kutahirirwa kwa Al- Shabab.
Gen. Muhoozi arikugambaho n'amahe ga UPDF omuri Mogadishu
Beitu hoona yabashaba okugira obuzoora maisho obutagaruka bakatahirirwa.
Gen Muhoozi Kainerugaba atwiire omuri Somalia ebiro 5 ebihwaire arikubuganaho abaduumizi b’amahe arikushwijuma okutahirirwa kwa Buulo Mareer omuri Somalia.
#WestUpdates
No Comment