Owa ADF kuruga Congo kukomwa emyaka 30.

N’ebya Douglas Mubiru 

Kooti y’ekinyamahe omuri Makindye, Kampala ecweriire omuhekyera wa ADF kuruga Congo okukomwa emyaka 30 omu kihome.

Hussein Musana Yakut, 22, omutuura wa Maberenga Camp, omuri Ituri Province omu eihanga erya Democratic Republic of Congo (DRC), acweriire ekifubiro na Abdul Swaibu Kafeero, 33, omuhekyera wa ADF orikuruga omu kyaro kya Kalamba omu disiturikiti eya Butambala.

Ababiri nabwo basingisiibwe omushango na Mahad Nyonyintono, 16, otiine murimo kandi omutuura wa Naigaza omu gomborora eya Bumanya omu disiturikiti eya Kaliro.

Okurugiirira aha ngyenderwaho y’eihanga hamwe n’ekiragiro ky’abaana akacweka ka 2 ekyahindwirwemu omu mwaka gwa 2016, omwana n’omuntu weena otakahikize emyaka 18.

Kuruga omwaka oguhwaire, abashatu aba batwire aha mishango gw’okurya omunsi yaabo orukwe kandi omushango ogu gwaheza kukusinga, ekifubiro ekirikukira kuheebwa omuntu n’okumwita.

Arikuhayo encwamu ye, ceeyamaani wa kooti y’ekinyamahe, Brig. Gen. Robert Freeman Mugabe agizire ngu agyendiire aha ky’okugira ngu aba bakatwarwa omu bahekyera ba ADF batarikukimanya, nigwo murundi gwabo gw’okubanza kukora omushango nikwo kugira ngu ekifubiro ky’okubakoma emyaka 30 nikyo kibashemeriire.

Mugabe ayongiire yakyoreka ngu nyakujunanwa owa kashatu (Nyonyintono) abaire ari ahansi y’emyaka 18 kandi was below 18 years of age and that the convicts were remorseful.

“Kooti egi nabwo eyihireho obwaire bw’omwaka gumwe, ameezi 3 n’ebiro 17 ebi banyakujunaanwa hamwe n’ameezi 8 n’ebiro 13 ahabw’enshonga ezindi bamazire aha rumanda nikwo kusindika Musana na Kafeero omu kihome kumarayo emyaka 28,” Mugabe arikushoborora.

Ahabw’okugira ngu Nyonyintono takahikize myaka 18, Mugabe amuragiire kuba akiri aha rumanda omu kihome kya Naguru Remand Home arikugira ngu naija kutwwarwa omu kooti y’enshonga z’amaka n’abaana kubaasa kumuheereza ekifubiro ekimushemeriire.

Nabwo ahabwire banyakujunaanwa okujurizi omu kooti endiijo omu biro 14 baaba batamazirwe n’encwamu ya kooti.

Obuhababi nibworeka ngu Musana, Kafeero na Nyonyintono ahagati y’okwezi kwa 10, 2021 n’okw’okubanza, 2023 obwo bari omu kampu y’abahekyera ba ADF eya Maberenga omuri Ituri province omu eihanga erya DRC, bakaza omu guruupu y’aba ADF batendekwa kandi bayejumbira n’omu mirimo ya ADF obwo barikutaahirira gavumenti ya Uganda.

#WestUpdates