Abantu 2 abarikuteekateekwaho kuba aba ADF bakwatwa barikuza DRC.
Munyamahurire
Munyamahurire @Tv West
N’ebya Simon Masaba
BUSIA- Abantu 2 abarikuteekateekwaho kuba abahekyera ba ADF bakwatwa barikuteeraho kuruga omu Uganda kuza omuri Burugwa-Izooba bwa Democratic Republic of Congo (DRC).
Omugambirizi wa Pooriisi, Fred Enanga naagira ngu omu muhigo gw’ebitongore by’okwerinda eby’amakwatane, abantu 2 abarikugambwa kuba bari aba ADF bakwateirwe ahari Lia Immigration customs point omuri Arua ahabiro 08/04/2024.
Okurugiirira ahari Enanga, ababiri aba bamanywa nka; Kwesa Isma,19 hamwe na Abdallah Sharif, 23, boona abatuura b’omu disiturikiti eya Busia.
"Aba batwire nibagambwa kuba bari bamwe aha kikoosi ekisya eky’abantu abaheerize kuhandikwa kwegaita aha bahekyera ba ADF omuri Busia kandi batwire babuzire kuruga omu maka gaabo kumara ameezi mingi”.
Enanga ebi yabigambira omu rukiiko rw’ebitongore by’okwerinda orwamakwatane orwaba aha kitebe kikuru kya Pooriisi omuri Naguru, Kampala eriizooba ebiro 15/04/2024.
Naagira ngu bwanyima y’okukwatwa kwabo, ababiri batwire nibacondoozibwaho kumanya ekyabareteire bayegaita aha bahekyera ba ADF.
#WestUpdates
No Comment