'Sinnafuna budde bwa laavu'

 Ononsonyiwa, nninga akumanyi oba nakulaba wa?

Oyinza okuba omutuufu nti om­manyi naye ewammwe tebaaba­buulirira kusooka kubuuza ku bantu nga temunnanyumya nabo?

Ekyo kinsonyiwe nnyabo. Eradde nnyabo, maamu, nnyooge, mirembe, abeeka?

Towanvuya nsonga.

Anti waliwo omuntu gw’oloba nga toyagala kumunyiiza nga buli ky’akugamba, okikolerawo..

Mpulira, genda mu maaso.

Sooka onzijukize gye nakulaba nga sinnagenda wala

Oyinza okuba wandabira ku mitimbagano gya yintanenti kwe ntimba myuziki wange abantu ne bamunyumirwa.

Eeee.. nakulabiddewo ng’ennyirira gy’onyirira ya bassereebu. Weeyita ani ng’onoonya ssente?

Agenomusic lye likola ssente naye bakadde bange bantuuma Eve Agenorwoth.

Kiki ekyakusikiriza okuy­ingira endongo?

Ekitone ky’okuyimba nava nakyo mu buto era natandikira mu Sunday School ne nzira mu kkwaaya y’Ekkanisa ng’ekirooto kyange kya kufuuka muyimbi wa maanyi mu ggwanga. Kyokka ne maama yansika nnyo okuyingira myuziki kuba yawulirizanga nnyo enny­imba za Elly Wamala nga nange nzinyumirwa.

Watandika mwaka ki okuyimba ezizo?

Natandika mu 2022 n’oluyimba ‘Mpita’ ne nzizaako ‘Mboola’ ate emyezi ebiri emabega nafulu­mizza ‘Simanyi’.

Muyimbi ki gwe weegomba?

Juliana Kanyomoozi ankolera.

Agenorwoth.

Ebyensasula biri bitya mu ndongo?

Ssente si kizibu kyange era mu kiseera kino, si kye ntunuulidde ennyo wabula okufulumya ennyimba ezikola amakulu eri abawa­gizi bange nsobole okutumbula ekitone kyange.

Olina akuteekamu ssente

Nninayo omuntu gwe nkola naye atera okunteekamu ssente naye nga sinnafuna manegi­menti yeetongodde.

Abalowooza nti okuy­imba kwa bantu bay­aaye obagamba ki?

Abo mpozzi nga tebawuliranga ku kigambo kitone. Okuyimba kitone ate mulimu ogugaggawa­zizza abantu. Abaguyita ogw’abayaaye, te­bamanyi kye booger­ako.

Abakutuukirira ku nsonga z’omukwano obagamba otya?

Sinnafuna budde bwa mukwano.

Bubaka ki bw’olekera ffe abawagizi bo?

Mwongere okwa­gala myuziki wange ate mbasuubiza nti en­dongo nkyasumulula