Bukedde Fa Ma ekwasizza nnamukisa ppikippiki gye yawangudde mu kazannyo kaayo!

NNAMUKISA eyawangudde ppikippiki mu kazannyo akaludde nga kagenda mu maaso ku Bukedde Fa Ma Embuutikizi, leero emukwasiddwa wakati mu ssanyu ng'ali ne nnyina.

Charles Kiddu omutuuze w'e Nakitokolo mu ggombolola y'e Nsangi e Wakiso, ye nnamukisa akwasiddwa pikipiki leero era ne yeebaza Bukedde Fa Ma olw'omwoyo omugabi.

Okwetaba mu kazannyo kano akamaze omwezi gumu, obadde olina okubeera ne 2,000/=  n'okweyongera waggulu, ku ssimu yo, olwo n'onyiga *238*3*2# olwo n'olindirira ennamba yo okulondebwa mu bawanguzi.

Ppikippiki eno empya nnamba UGF 608B, emukwasiddwa akulira radio Embuutikizi Ronald Sebutiko wamu ne Simon Maserekuka amanyiddwa ng'omunene w'ekibuga ,wano ku kitebe kya Vision Group e Lugogo wakati mu nduulu okuva mu mikwano gye, ababadde bamuwerekeddeko.

Kiddu, abadde ne nnyina Harriet Nabwanika amanyiddwa nga Ssanyu, annyonnyodde engeri gye yazannyeemu okusobola okufuuka omuwanguzi era n'akunga abawuliriza ba radio Embuutikizi, okujjumbira ebintu byayo nti kuba bw'esuubiza etuukiriza.

Mu ngeri y'emu n'abawuliriza baffe okuva mu bitundu ebyenjawulo, nabo beewangulidde t shirts ne jaketi ne basiima.