Obadde okomanyi nti omuceere gwa Kitaka gutangira enkwaso okulwala?

Omuceere ogutafuuyiddwako oba guyite ogwa kitaka abantu bangi tebagwagala wabula nga gwe gujjudde ebiriisa byonna ebyetaagibwa mu mubiri era nga gukola kinene ku kukuuma enkwaso nga nnamu bulungi. 

• Omukugu mu by'endiisa, Daniel Kamara, agamba nti, omuceere ogwa kitaka gulimu ebirungo okuli ekya ‘Vitamiini E', ‘Magnesium', n'ekirungo kya ‘Zinc', nga byonna bikola omulimu ogw'amaanyi mu
kukuuma enkwaso nga nnamu.

 • Annyonnyola nti, omuceere guno gubaamu ‘Vitamiini E', eyamba mu kuziyiza enkwaso obutafuna bulabe, ekirungo kya ‘Magnesium' kyo nenkiyamba mu kutambuza obulungi enkwaso. 

• Ekirungo kya ‘Magnesium', kiyamba n'ebinywa by'omubiri byonna okukola obulungi. 

• Ekirungo kino kiyamba n'okutambuza obulungi omusaayi ne gutuuka mu bitundu by'omubiri ebitali bimu nga mw'otwalidde n'okugutuusa mu bitundu by'omusajja ebyekyama.

 • Ate, ekirungo kya ‘Zinc' kiyamba mu kukola enkwaso, era ebirungo bino byonna ebisatu byongeza emikisa gy'omusajja egy'okuzaala. 

• Wabula ng'oggyeeko ebyo, omuceere ogwa kitaka gwongeza ne ku bwagazi bw'omusajja nga guyita mu kirungo kyagwo ekya ‘Niacin' kye tugufunamu.