Ebivaako mmotoka okunywa amafuta amangi by'olina okwegendereza

BULI muntu yandyagadde okuvuga ekidduka ekikekkereza amafuta okusinziira ku lugendo lw’agenda okuvuga olw’embeera y’ebyefuna eriwo ennaku zino.

Eno y’emu ku nsonga lwaki mmotoka eza yingini entono ezikekkereza amafuta zitutte ekiseera nga zattunzi.

Loole Ng'etisse Akabindo.Mmotoka ezitikka akabindo

Embeera eno yeemu ku byaviiriddeko n’okuyiiya mmotoka ezikozesa amaanyi g’amasannyalaze ga bbatule nga gawaanyisiganya n’amafuta mu nkola emanyiddwa nga Hybrid.

Ying.Patrick Mugume nga mukugu mu by’ebidduka era nga musuubuzi wa sipeeya mu Ndeeba agamba nti tekinologiya mmotoka kwezikolebwa naddala ez’emyaka egyokumpi bweziba za yingini nnene zikekkereza amafuta kuba; Mmotoka ez’emyaka egy’okumpi buli lwe zibeera ku misinde, ziba ku masannyalaze.

Wabula agamba nti mmotoka eya yingini entono esobola okusinga eyo eya yingini ennene okunywa amafuta nga kino kiva ku bintu eby’enjawulo omuli;

l Okuvuga endiima ng’ezingiramu okulinnya ennyo ku muliro gwa mmotoka.

l Ggiya bbokisi ya mmotoka okuba nga tekyusa bulungi ggiya.

l Okuvugira ekidduka mu mbeera y’obuseerezi kuba ekyetaagisa ggiya nnene.

l Okutikka obuzito obusukkiridde ne kiviirako yingini ya mmotoka okukozesa amaanyi naddala mu kulinnya ensozi.

l Envuga embi ey’ekidduka omuli obutakyusa jjiya mu kiseera ekituufu.

l Okuvugira ekidduka mu mbeera y’akalippagano nga muno mmotoka eba evugibwa mu jjiya nnene ezinywa amafuta .

l Yingini ya mmotoka okubaamu ebikyamu oluusi nga biva ku kulwawo okukola ssaaviisi omuli omupipira n’okuzikirazikira