Wadde eby’obufuzi byagaana naye omuyziki nze ngulina- DR Chameleon

Omuyimbi Joseph Mayanja abasinga gwe bamanyi nga Jose Chameleon akiikidde Bannakampala ensingo olw’okumujubisa ayingire eby’obufuzi kyokka ne bamulaba kyamuli ne batamukombya bululu bumala kufuuka Muloodi w’e Kampala. 

No 2(11)

Chameleon agambye nti wadde eby’obufuzi byagaana, ggwo omuziki agwewulira. “Bannange kkwo okuyimba nkwewulira, siri bano bannaffe ababoneka obubonesi, nze emyaka egisoba mu 20 mbadde mbakuba ‘hiiti ku hiiti’ (ekitegeeza nti buli luyimba lw’abadde ayimba nga lukwata omubabiro)”, Chameleon bwe yagambye.

No 4(1)

Okwogera bino, Chameleon yabadde Mukono ng’akuba ab’eno omuziki mu kifo ekipya ekya New Kisumaali esiangibwa ku nkingizzi z’ekibuga Mukono ku kyalo Kikubankima mu ggombolola y’e Nama mu disitulikiti y’e Mukono.

No 8(5)

Chameleon yatambudde ne mugandawe, Daglas Mayanja abasinga gwe bamanyi nga Wizo era ng’ali wamu n’ono baakubye abadigize emiziki ne babatuuka ku mmaze.

No 8(5)

Ono era yayimbye ennyimba okuli olwa Mesach Ssemakula, Bobi Wine, Bebe Cool, Pallaso ne Moze Radio n’agamba nti bano bayimbi abalijjukirwa ennyo mu Uganda n’asaba Bannayuganda okwawula eby’obufuzi ku myusiki.

No 9(6)

Abayimbi abalala abaayimbye kwabaddeko Melody eyayimba ne Chameleon oluyimba lwa Nkoleki nze ssaako Lady Grace eyayimba ne Izon T oluyimba lwa Layira.