Ebonies ereese ekipya
Jan 03, 2023
EKIBIINA kya ba Ebonies kikuleetedde omuzannyo Bombastic 'Ekimala kimala' ogujudde ebisanyusa, ebiyigiriza n'ebyewunyisa nga gukwata ku mbeera z'omumaka n'engeri gy'osobola okukwatamu ffamire okuli abaana, abakozi wamu n'abazadde engeri gye beeyisaamu.Sam Bagenda amanyiddwa nga Dr. Bbosa omu ku baddukanya Ebonies, bw'abadde awayamu ne bannamulire mu maka gaabwe ku VCL mu Ndeeba, ategeezezza nti ekiseera kyonna ekiyise nga bannayuganda tebakyagenda mu theatre kulaba mizannyo, ku luno basoosotodde omuzannyo omupya gwe batuumye 'Bombastic' ogugenda okubasanyusa n'okubamalako ekiwuubaalo.Bbosa agamba mu muzannyo guno, mulimu ebizibu ebyetondese mu maka ate n'engeri gy'osobola obigonjoolamu
By Joseph Makumbi
Journalist @New Vision
EKIBIINA kya ba Ebonies kikuleetedde omuzannyo Bombastic 'Ekimala kimala' ogujudde ebisanyusa, ebiyigiriza n'ebyewunyisa nga gukwata ku mbeera z'omumaka n'engeri gy'osobola okukwatamu ffamire okuli abaana, abakozi wamu n'abazadde engeri gye beeyisaamu.
Sam Bagenda amanyiddwa nga Dr. Bbosa omu ku baddukanya Ebonies, bw'abadde awayamu ne bannamulire mu maka gaabwe ku VCL mu Ndeeba, ategeezezza nti ekiseera kyonna ekiyise nga bannayuganda tebakyagenda mu theatre kulaba mizannyo, ku luno basoosotodde omuzannyo omupya gwe batuumye 'Bombastic' ogugenda okubasanyusa n'okubamalako ekiwuubaalo.
Bbosa agamba mu muzannyo guno, mulimu ebizibu ebyetondese mu maka ate n'engeri gy'osobola obigonjoolamu
Asinzidde wano n'akubiriza abazadde okuleeta abaana okulaba omuzannyo guno kuba mulimu n'abaana abagenda okuzannya nga n'olwekyo tegwesitaza.
Omuzannyo gwakubeera ku maka gaabwe agaabulijjo ku Theatre La Bonita nga gwa kulagibwa okuva ku lwokutaano nga 6 January, Saturday ne Sunday okuva ku ssaawa emu eya kawungeezi okuyingira 25,000 abasookerwako ne 30,000 VIP.
Akubirizza bamuvabulaaya okujja okulaba omuzannyo guno nga tebannadayo wamu n'abaana abakyali mu luwummula okwettanira okugulaba kuba mulimu ebiyigiriza.
No Comment