Ebonies eraze akabi akali mu kubeera n'abaagalwa abangi n'ecamula abaagenze ku Theatre La Bonita

Aba Ebonies bacamudde abaagalana ku Valentine n’omuzannyo gwabwe gwe baatuumye ‘Valentine in Paradise.’

Guno gwabadde ku Theatre Labonita era okusinga gwabadde gubuulirira abaagalana n’okubalabula akabi ak’okubeera n’abaagalwa abangi kuba bangi gye biggweera nga tebafunyeemu ssaako okufuna endwadde oba oluusi n’okulusuulamu akaba.

Abantu Abazze Okulaba Omuzannyo Ku Theatre La Bonita.

Abaagalana obwedda bajjira mu ppeya ppeya era obwedda buli omu akutte ku munne nga n’ebyokulya babiriira mu ppeya ng abwe banyuirwa.

Ebyana bya Ebonies byesaze obuwero kumpi kubwesiimuula  bwesiimuzi ku mubiri nga balinga abakookoonya abatazze na baagalwa baabwe.

Ono Baamuvugidde Ku Ppikippiki Ku Siteegi Waggulu.

Bangi ku bano baalabiddwako nga bakuba emimiro kyokka abazze n’abaabwe obwedda ekinyegenyege kibakwata ne banyweza bannaabwe.

Evelyn Namulondo, Fauziah Nakiboneka, Jonathan Ssuubi amanyikidwa nga Ssemagonja be bamu ku bazannyi abaasanyusizza abaagalana bano eggulo mu kiro. Wabula, ku luno Dr. Bbosa nga amannya amatuufu ye Sam Bagenda, teyalabiseeko.