Mmotoka ya Mbuga ey'ebbeeyi ekutte omuliro n'ebengeya

ABANTU baawuniikiridde mmotoka ekika kya Hummer ey’omugagga Sulaiman Kabangala amanyiddwa nga SK Mbuga bwe yakutte omuliro n’esaanawo.

Mmotoka eno eriko nnamba y’obwanannyini SK Mbuga, yaggyiridde mu bitundu by’e Najjanankumbi mu Kampala. 

Mmotoka Bw'ebadde Efaanana.

Samuel Ssali omutuuze w’e Najjanankumbi, omu ku baabaddewo nga mmotoka eno ekwata omuliro yategeezezza nti yabaddemu omuntu omu kyokka nga teyabadde Mbuga ng’eyolekera mu bitundu by’e Ntebe. 

Teri yategedde muliro kwe gwavudde wabula eyagibaddemu yeekanze nga gwatandikidde mu yingini ne gusaasaana. Agamba nti baalwanaganye nagwo kyokka nga gusaasaana ku sipiidi ne poliisi ezikkiriza omuliro we yatuukidde nga kumpi mmotoka yonna esaanyeewo. 

Mbuga y’omu ku bagagga abavuga emmotoka ez’ebbeeyi omuli; Hummer, Ranger Rover ne Benz. Mu 2021, Mbuga yafuna akabenje bwe yali agezesa piki piki ye ey’ebbeeyi yamulemerera n’emuyingiza ekisenge n’afuna ebisago eby’amaanyi.