Bebe ayiyeemu Zuena kapyata w'enzirusi

ZUENA Kirema, mukyala wa Bebe Cool, bamuyiyeemu enzirusi ekika kya benzi. 

Zuena, amanyiddwa okuvuga mmotoka ekika kino era bba Bebe yamugulidde egambibwa okuba nga yaakafulumizibwa.

 Abadde avuga benzi enjeru ku nnamba enkadde mbu era kati eyo efuuse yaakutwala baana ku ssomero. 

Eno empya, nzirugavu era yalabiddwaako e Lugogo ku kivvulu kya Roast and Rhyme, wamma abadigize ne beekuba obwama abamu ne bawoza nti Bebe, bw’ali omuwagizi wa NRM lukulwe, afunyeemu ebirungi n’ensimbi eziwera kyokka abalala nti Bebe musajja mukozi, ezigulira omukyala benzi tezisobola kumubula.