Kasalabecca
Bebe abotodde ekyama ekyamuggya mu kibiina kya Kenzo ekigatta abayimbi
BEBE COOL agamba y’omu ku bayimbi Kenzo be yasooka okutuukirira ng’amutegeeza nga Gen. Salim Saleh bwe yali amusabye okukola ekibiina ekigatta abayimbi bonna kye yatuuma Uganda National Musicians Federation (UNMF).
Bebe abotodde ekyama ekyamuggya mu kibiina kya Kenzo ekigatta abayimbi
By: Musasi Bukedde, Journalist @New Vision
BEBE COOL agamba y’omu ku bayimbi Kenzo be yasooka okutuukirira ng’amutegeeza nga Gen. Salim Saleh bwe yali amusabye okukola ekibiina ekigatta abayimbi bonna kye yatuuma Uganda National Musicians Federation (UNMF).
Kenzo akulira ekibiina kino
Bebe Cool agamba Kenzo yamusaba ayogere n’abayimbi abanene okwali Sheebah Karungi ne King Saha basobole okukkiriza ekirowoozo kye era bamwegatteko kubanga ye yalina okutya nti baali tebamukkiririzaamu.
Oluvannyuma lwa Bebe okwogerezeganya n’abayimbi abo, bakkiriza okwegatta ku Kenzo era ekibiina ne kitandika.
Wabula ekyasinga okumunyiiza kye ky’okuba nti ye yali omuwanika w’ekibiina ekyo era olumu ssente zaagenda ku akawunti yaabwe naye ate zaavaako nga tategedde yadde.
Bebe agamba nti yagenda okukizuula ng’ekibiina Kenzo yakiwandiisa mu mannya ge n’abantu abalala abatonotono era ye kwe kusalawo okumulekera ekintu kye.